قازاقستان پرەزيدەنتى قاسىم-جومارت توقاەۆ. فوتو: http://cdn1.spiegel.de

قازاقستاننىڭ ۇسىنىسىمەن تمد سىرتقى ىستەر مينيسترلەرى كەلەسى جىلى ساۋىردە الماتىدا باس قوسپاق. بۇل تۋرالى بەلتا اگەنتتىگى حابارلادى.

سىمك وتىرىسى بارىسىندا 2019 جىلى وتكەن سىرتقى ىستەر مينيسترلەرى اراسىنداعى كونسۋلتاتسيالاردىڭ قورىتىندىسى شىعارىلىپ، 2020 جىلى ولاردى وتكىزۋ جوسپارى تالقىلانباق.

تمد اتقارۋ كوميتەتىنىڭ توراعاسى – اتقارۋشى حاتشىسى سەرگەي لەبەدەۆ: «بۇگىن ءبىز الداعى وتىرىستىڭ الدىن الا جوسپارىن عانا تالقىلايمىز. جيىن 2020 جىلدىڭ 3 ساۋىرىندە وتەتىنىن جوسپارلاپ وتىرمىز. بۇل، قازاقستان تاراپىنىڭ ۇسىنىسى، ونى بارلىعى قولدادى. وندا تالقىلاناتىن ماڭىزدى قۇجاتتار نەگىزىنەن گۋمانيتارلىق جانە ساياسي ءوزارا ارەكەتتەستىك سالالارىنا قاتىستى بولماق»، – دەيدى.

رەسمي وكىل سوزىندە: «سىرتقى ىستەر مينيسترلەرى اراسىنداعى كونسۋلتاتسيالار تۇراقتى تۇردە وتكىزىلىپ تۇرادى، شامامەن ەكى ايدا ءبىر رەت. كۇن تارتىبىندە تمد-نىڭ حالىقارالىق قىزمەتىندەگى وزەكتى ماسەلەلەر كوتەرىلەدى جانە بۇل تمد سىرتقى ىستەر مينيسترلەرى كەڭەسىنىڭ وتىرىسىنداعى نەگىزگى ماسەلەلەردىڭ ءبىرى بولاتىنىن بولجاپ وتىرمىن»، – دەپ اتاپ ءوتتى.

"The Qazaq Times"