فوتو: mchs.gov.ru

قازىرگى كەزدە ءسۇريادا جۇزدەگەن ادام مەديتسينالىق كومەككە قول جەتكىزە الماي وتىر. حالىقارالىق قىزىل كرەست كوميتەتىنىڭ وكىلدەرى وسىلاي مالىمدەدى. 

حقكك تاياۋ شىعىس بويىنشا ايماقتىق ديرەكتورى روبەرت ءماردينيدىڭ سوزىنشە، سوڭعى ەكى اپتادا ءسۇريادا شابۋىلداردان ارۋحانالار، مەكتەپتەر مەن باسقا دا ينفراقۇرىلىم نىساندارى قيراندىعا اينالعان. وسىنىڭ سالدارىنان مەديتسينالىق كومەك قاجەت ەتەتىندەردىڭ قاراسى كوبەيگەن.

"بۇل ءبىزدى الاڭداتىپ وتىر. اسكەري قيمىلداردى بەيبىت تۇرعىنداردىڭ ومىرىنە قاۋىپ تونبەيتىندەي ەتىپ جۇرگىزۋ كەرەك. اۋرۋحانالار سەكىلدى حالىققا قاجەتتى نىسانداردى دا ۇمىتپاعان ءجون", - دەيدى ول.

ايتا كەتەيىك، 6 جىلدان اسقان ازامات سوعىسىنان ءسۇريادا دەنساۋلىق ساقتاۋ سالاسى ايتارلىقتاي زارداپ شەككەن. قازىرگى كەزدە ەلدە ءدارى-دارمەك پەن دارىگەرلەر، اسىرەسە حيرۋرگ ماماندار جەتىسپەيدى.

“The Qazaq Times”