كەشەگى كۇن باۋىلاس قىرعىز ەلى ءۇشىن اسا ماڭىزدى ساياسي ءھام تاريحي كۇن بولدى. قىرعىزستاندىقتان ەلدىڭ جوعارعى كەڭەسىنە (قىرعىزشا – جوگوركۋ كەڭەش) ساياسي پارتيالاردى سايلاۋ ءۇشىن داۋىس بەردى. داۋىس بەرۋ ۋاقىتى 28 قاراشانىڭ كەشى، ساعات 20:00-دە اياقتالدى. ناتيجەسى بۇگىن بەلگىلى بولادى دەپ كۇتىلۋدە. اۆتوماتتى داۋىس ساناۋ جۇيەسىنە قاتىستى داۋعا بايلانىستى سايلاۋ كوميسسيالارى داۋىستى قولمەن ساناۋدا.
قىرعىز جۇرتىنداعى سايلاۋ ىڭ-شىڭسىز وتكەن جوق. ورتالىق سايلاۋ كوميسسياسىنىڭ (وسك / قىرعىزشا – بوربوردۋك شايلوو كوميسسياسى/بشك) اۆتوماتتى ەسەپتەۋ جۇيەسى ءبىر مەزەت ءوشىپ قالدى جانە قايتا قوسىلعان كەزدە كەيبىر پارتيالاردىڭ داۋىسى كەمىتىلدى. بۇعان قاتىستى نارازىلىق كۇشەيدى.
وسك كەشكى ساعات 20:30 شاماسىندا بەرىلگەن داۋىستاردىڭ 77,3 پايزى سانالىپ بولعانىن مالىمدەدى. ول بويىنشا ونداعى ناتيجەلەر مىناداي-تىن:
«سەنىم» (يشەنيم) – 25,35 %
«ىنتىماق» (ىنتىماك) – 20,58%
«اليانس» – 15,68%
«ءبۇتىن قىرعىزستان» ء(بۇتۇن كىرگىزستان) – 11,87%
«يمان نۇرى» (ىيمان ءنۋرۇ) – 10,58%
«ەل ءۇمىتى» (ەل ءۇمۇتۇ) – 8,4%
«اتا-مەكەن» – 6 %
ءو.تەكەباەۆ جەتەكشىلىك ەتكەن «اتامەكەن» پارتياسى، ا.مادۋماروۆ جەتەكشىلىك ەتەتىن «ءبۇتىن قىرعىزستان» قاتارلى داۋىسى كەمىتىلگەن بەس پارتيا كەزەكتى سايلاۋ ناتيجەسىن دە مويىندامايتىنىن مالىمدەدى.
قىرعىزستان جك سايلاۋى بىرقاتار شەتەلدەگى قىرعىزستاندىق سايلاۋشىلارعا دا داۋىس بەرۋ مۇمكىندىگىن بەردى. سوعان قاراماستان كەزەكتى سايلاۋدا سايلاۋشىلاردىڭ بەلسەندىلىگى بۇرىنعى سايلاۋلارمەن سالىستىرعاندا وتە تومەن. وسك مالىمەتىنە داۋىس بەرگەندەر جالپى سايلاۋشىلاردىڭ 30 پايىزىن ۇستاعان. بۇنىڭ نەگىزگى سەبەبى رەتىندە داۋىس بەرۋدەن «فورما 2»-مەن داۋىس بەرۋدىڭ الىنىپ تاستالۋى دەپ تۇسىندىرەدى وسك. ەكىنشى سەبەبى قاتارىندا ميگراتسيانىڭ جوعارى دەڭگەيىن كورسەتىپ وتىر.
قىرعىز پرەزيدەنتى سادىر جاپاروۆ داۋىس بەرۋ ۋاقىتى اياقتالعاننان كەيىن مالىمدەمە جاساپ: «تازا جانە ادىلەتتى سايلاۋ وتكىزە الاتىنىمىزدى دالەلدەدىڭ»، – دەدى. ونىڭ ايتۋىنشا بۇل ەلدىڭ ساياسي جەتىستىگى قاتارىندا باعالانۋى كەرەك، بۇدان بۇرىنعى رەۆوليۋتسيالاردىڭ ءبارى دەرلىك بيلىكتىڭ سايلاۋلاردى ءادىل وتكىزە الماۋىنان دەپ كورسەتكەن.
س.جاپاروۆ داۋىستاردى اۆتوماتتى ساناۋ جۇيەسىنىڭ ماسەلەسىنە بايلانىستى ءوزىنىڭ Facebook جەلىسىندە مالىمدەمە جاساپ: «ەگەر شىنىندا دا وسك جالعاندىق جاساعان بولسا، وسك-نىڭ بارلىق مۇشەلەرى جاۋاپقا تارتىلادى. باستارىمەن جاۋاپ بەرەتىن بولادى. بيلىك تارابىنان سايلاۋ ىسىنە ارالاسپاعانىنداي، ورتالىق سايلاۋ كوميسسياسىنىڭ ىسىنە دە ەشكىم كيلىككەن جوق»، – دەگەن.
داۋىس بەرىپ بولعاننان كەيىن پرەزيدەنت سادىر جاپاروۆ تۇركىمەنستانداعى سامميتكە قاتىسۋ ءۇشىن ۇشىپ كەتتى.
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
ابزال ايدارحان: جوعارعى سوت قالاس نۇرپەيىسوۆتىڭ ىسىندەگى نەگىزگى قاتەلىكتەردى قارامادى
اينارا ايدارحان: جوعارعى سوت ايگەرىم تىلەۋجاننىڭ ءىسىن قارماي تاستادى
شىنقۋات بايجانوۆ: اۋەجاي ءىسىن كاساتسيالىق سوت قاراماي تاستادى. ءبىز اياعىنا دەيىن كۇرەسەمىز
رىسبەك سارسەنبايۇلى: ء"بىز جىندىلار ەلىندە تۇرامىز. بيلىك ءوز قىلمىسىن جاسىرۋ ءۇشىن قاراپايىم ازاماتتاردى سوتتادى"
"قىزىقتىڭ كوكەسى ەندى باستالدى. پروكۋرور دۋماننىڭ سوتىن جابىق وتكىزۋ ءۇشىن سوتتى دا شاتاستىرعان"