فوتو: NY Daily News

امەريكانىڭ لاس ۆەگاس قالاسىنداعى اتىستان قازا بولعاندار سانى ەلۋگە جەتتى، دەپ حابارلايدى ريا نوۆوستي.

اتىس كەزىندە 200-دەن اسا ادام زارداپ شەككەن. پوليتسيا دەرەگىنە سەنسەك، كۇدىكتى 64 جاستاعى جەرگىلىكتى تۇرعىن - ستيۆەن پەددوك. ەر ادام Mandalay Bay Hotel قوناقۇي كەشەنىنىڭ 32-ءشى قاباتىنان جاقىن جەردەگى مۋزىكالىق فەستيۆالگە كەلۋشىلەرگە قاراتا وق اتقان.

قازىرگى كەزدە پوليتسيا كۇدىكتىنىڭ سىبايلاسىن ىزدەستىرۋدە. اكىمشىلىك سوت قىزمەتكەرى دجوزەف لومباردونىڭ سوزىنشە، مەري لۋ دەنلي (Mary Lou Denley) ەسىمدى قىز كۇدىكتىمەن بىرگە ساياحاتتاعان. سونداي-اق، Hyundai Tucson جانە Chrysler Pacifica Touring شاعىن كولىكتەرى ىزدەستىرىپ جاتىر.

ايتا كەتەيىك، بۇگىن  امەريكانىڭ لاس ۆەگاس قالاسىندا بەلگىسىز بىرەۋ ەڭ ءىرى قوناق ۇيلەردىڭ ءبىرى Mandalay Bay كازينوسىندا قارۋلى شابۋىل جاساعان. پوليتسيا مالىمەتىنشە، ول قوناق ءۇيدىڭ 32 قاباتىنان كانتري-مۋزىكا فەستيۆالىنە كەلگەندەرگە قاراتا وق جاۋدىرعان.

“The Qazaq Times”