لاس ۆەگاستاعى اشىق اسپان استىنداعى مۋزىكا فەستيۆالىنە جينالعان حالىققا قارسى وق اتىپ، 59 ادامنىڭ جان تاپسىرۋى مەن 527 بەيبىت تۇرعىننىڭ جاراقاتىنا سەبەپكەر بولعان جانكەشتىنى قاندى ارەكەتكە قانداي سەبەپ يتەرمەلەگەنى ءالى دە انىقتالىپ جاتىر. 64 جاستاعى ستيۆەن پاددوك وقيعا ورنىنداعى ماندالەي بەي قوناق ءۇيىنىڭ 32-قاباتىنان وق جاۋدىرعان. ونىڭ "يسلام مەملەكەتى" سياقتى حالىقارالىق تەرروريستىك ۇيىمدارمەن بايلانىسى تىركەلمەگەن. امەريكانى عانا ەمەس، بۇكىل الەمدى ءدۇر سىلكىندىرگەن اتىشۋلى وقيعانى جان-جاقتى تالداعان - ۆۆس اقپاراتتىق اگەنتتىگى.
فوتو: ۆۆس. قاندى وقيعا بولعان اۋماق. مۋزىكالىق فەستيۆال ورنى مەن جاقىن تۇرعان ماندالەي بەي قوناق ءۇيى.
قاندى وقيعا Route 91 مۋزىكالىق فەستيتۆالىنىڭ سوڭعى ءۇشىنشى كۇنى (جەكسەنبى), جەرگىلىكتى ۋاقىتپەن 22:08 شاماسىندا بولعان. كونتسەرت تاماشالاۋعا جينالعان حالىققا قارسى كەنەتتەن اتىلعان وقتان باسىن بۇعىپ جەر باۋىرلاعان حالىق ءاپ-ساتتە ابىر-سابىر بولعان. سول جەردە بولعان كۋاگەرلەر : "جان-جاققا ۇدەرە قاشقان حالىق، ايقاي-شۋ، جاراقات العان ادامدار، قيمىلسىز سۇلاپ تۇسكەن دەنەلەر ءبىر مەزەتتە بەيبەرەكەتسىزدىك تۋدىردى", - دەيدى.
جانكەشتى كىم؟
ستيۆەن پاددوك لاس-ۆەگاستىڭ سولتۇستىك-شىعىسىنداعى Mesquite دەپ اتالاتىن شاعىن قالادا تۇرعان. ونىمەن بىرگە ءبىر پاتەردى بولىسكەن ازاماتتىق نەكەدەگى ايەل قازىر جاپونيادا بولعاندىقتان، پوليتسيا جاۋاپ الا المادى. ستيۆەن پاددوكتىڭ قوناق ۇيدەگى بولمەسىنەن 23 تاپانشا مەن 19 سۋىق قارۋ تابىلعان. ونىڭ يەلىگىندەگى ەكىنشى ۇيدەن دە كوپ قارۋ-جاراق تابىلعانىمەن، ونىڭ اعاسى ءىنىسىنىڭ سۋىت ارەكەتى مەن قوعامعا قاۋىپتى ويلارىنان حابارسىز بولعانىن ايتادى. وسىدان از بۇرىن ستيۆەن يسلام ءدىنىن قابىلداۋىنا بايلانىستى، بولعان وقيعانى تەرروريزمگە بالاعان توپتار ونىڭ ەكسترەميستىك ۇيىمدارمەن بايلانىسىن دالەلدەيتىن انىق ايعاقتار كەلتىرە الماي وتىر. فەدەرالدى بارلاۋ قىزمەتى اتالعان قىلمىستى "جەكە ورىندالعان" دەپ تاپتى.
اقش-تا وسىعان دەيىن بولعان كوپشىلىككە قارسى جاسالعان قىلمىستار:
- 1991 جىلى، تەحاس - 23 قۇربان
- 1999 جىلى، كولورادو - 13 قۇربان
- 2007 جىلى، ۆيردجينيا - 32 قۇربان
- 2009 جىلى، تەحاس - 13 قۇربان
- 2012 جىلى، كوننەكتيكۋت - 27 قۇربان
- 2015 جىلى، كاليفورنيا - 15 قۇربان
- 2016 جىلى، فلوريدا - 49 قۇربان
- 2017 جىلى، لاس-ۆەگاس - 58 قۇربان
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى