لاس ۆەگاستاعى قاندى وقيعا سەبەپكەرى ستيۆەن پاددوكتىڭ جەكە جازباسى تابىلدى. 59 ادام قازا تاۋىپ، 527 بەيبىت تۇرعىن جارالانعان قىلمىستىق ءىستى زەرتتەۋمەن اينالىسىپ جاتقان پوليتسيا قىزمەتكەرلەرىنىڭ مالىمەتىنشە، قىلمىسكەردىڭ قوناق ۇيدەگى بولمەسىنەن تابىلعان جازبادا 32-قاباتتان حالىق جينالعان الاڭعا باعىتتالعان وقتىڭ تراەكتورياسى مەن قاشىقتىعى ەسەپتەلگەن. بۇل تۋرالى CNN اقپاراتتىق اگەنتتىگى جازدى.
اراعا ءبىر اپتا سالىپ، كۇن سايىن قىلمىستىڭ جاڭا قىرى اشىلىپ وتىرعانىمەن، قاۋىپسىزدىك قىزمەتكەرلەرى ءالى دە زەينەتكەرلىك جاسىنداعى بۇرىنعى ەسەپشىنىڭ قاندىقول قىلمىسكەرگە اينالۋىنىڭ سەبەبى مەن ءموتيۆىن انىقتاي الماي وتىر. CNN ءجۋرناليسى Wolf Blitzer زەرتتەۋ ىسىنە قاتىسى بار Kevin C. McMahill -مەن بولعان سۇحباتىنان كەلەسى قورىتىندىلار جاساعان:
- ستيۆەن پاددوكتىڭ بولمەسىندە بارلىعى جاقسى ەكەنىنە كوز جەتكىزۋ ءۇشىن كوتەرىلگەن قوناق ءۇيدىڭ كۇزەت قىزمەتكەرى اياعىنان جارالانعان.
- ستيۆەن پاددوكتىڭ حالىقارالىق تەرروريستىك ۇيىمدارمەن بايلانىسى راستالمادى.
- قىلمىسكەردىڭ جالعىز بولعانى كۇمان تۋدىرماعانىمەن، قوناق ۇيدە بوتەن ادام ونىڭ بولمەسىنىڭ كىلتىن پايدالانباعانى تەكسەرىلىپ، وقيعا بولعان جەردە ورناتىلعان بارلىق بەينەكامەرالار قارالعان. ستيۆەن پاددوكتىڭ وزىنەن بولەك ادامدارمەن كەزدەسكەنى نە ولاردىڭ قوناق ۇيگە كىرىپ-شىققانى تىركەلمەدى. ونىڭ كوپشىلىكتىڭ ۇستىنەن وق جاۋدىرۋ تۋرالى جوسپارىنان اعاسى مەن ازاماتتىق نەكەدەگى ايەلى حابارسىز بولىپ شىقتى.
ستيۆەن پاددوك حالىقتىڭ ۇستىنەن وق جاۋدىرماس بۇرىن، كۇزەتشىنى جارالاعان. كۇزەتشى كەشكى ساعات 21:59 كەزىندە اتىلسا، حالىققا قارسى جاسالعان قىلمىس 22:01-دە باستالىپ، 10 مينۋت بويى جالعاسقان. پوليتسيانىڭ جاۋاپ تابا الماي وتىرعانى - "پاددوكتىڭ وق اتۋدى بىردەن توقتاتۋىنا نە سەبەپ بولدى؟" دەگەن ساۋال. لاس ۆەگاستىڭ پوليتسيا وفيتسەرى دەۆيد نيۋتون CBS ارناسىنداعى "60 مينۋت" باعدارلاماسىندا قوناقتا بولىپ، قىلمىسكەردىڭ الدىن الا قۇرعان جوسپارىندا "قاشىپ كەتۋ" دەگەن ءبولىم بولعان دەپ جورامالدادى. ون مينۋتتىق شابۋىلدان سوڭ، وق اتۋدى دوعارعان قىلمىسكەردىڭ كولىگىنەن تابىلعان جارىلعىش زاتتار ونىڭ "تاعى بىرنەشە ورىندا قاندى وقيعا جاساۋ تۋرالى ويى بولعان" دەگەن بولجامعا الىپ كەلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟