فوتو: geologylearn.blogspot.com

الەمدىك نارىقتا مۇنايعا سۇرانىس 2017 جىلدىڭ 3 توقسانىندا ارتۋى مۇمكىن. بۇل كەزەڭ شيكىزات نارىعىنداعى جاقسى كورسەتكىش بولادى. رەسەيدىڭ ەنەرگەتيكا ءمينيسترى الەكساندر نوۆاك وسىلاي مالىمدەدى، دەپ حابارلايدى  CNBC.

"مەملەكەتتەر نارىقتاعى مۇنايدىڭ ارتىق كولەمىن وندىرمەۋگە تىرىسىپ جاتىر. بۇل پروتسەسس جىلدام بولمايدى. جاعدايدى بارىنشا باقىلاپ، ونىڭ قالاي داميتىنىن قاراۋ كەرەك. بىراق ءبىز وسى جىلدىڭ 3 توقسانىندا كورسەتكىشتىڭ دۇرىس بولاتىنىنا سەنىمدىمىز: بۇل كەزەڭدە سۇرانىس ارتادى، ءوندىرىستىڭ ارتىق كولەمىن تاۋلىگىنە 1,8 ملن باررەلگە ازايتۋعا مۇمكىندىك بەرەدى", - دەدى ول.

رەسەيلىك ءمينيستردىڭ سوزىنشە، باعا داعدارىسى ءالى دە بار، بىراق مۇناي كولەمىن قىسقارتۋ تۋرالى كەلىسىم نارىققا اسەر ەتكەن. سونداي-اق، ول 2018 جىلدىڭ 1 توقسانىندا شيكىزاتقا دەگەن جاھاندىق سۇرانىس قالىپقا كەلە باستايدى دەگەندى ايتادى.

قازىرگى كەزدە (11 شىلدە) Brent ماركالى مۇنايدىڭ باعاسى 47,2 دوللار شاماسىندا بەلگىلەنگەن.

ايتا كەتەيىك، وسى جىلدىڭ 25 مامىرىندا وپەك ەلدەرى مۇناي كولەمىن قىسقارتۋ تۋرالى كەلىسىم مەرزىمىن تاعى ۇزارتقان بولاتىن. ەندى كەلىسىم 2018 جىلدىڭ 31 ناۋرىزىنا دەيىن سوزىلۋى مۇمكىن.

“The Qazaq Times”