قاراشا ايىنىڭ ءۇشىنشى دەكاداسىنان باستاپ قازاقستاندا مۇناي ونىمدەرىن كولىكپەن ەكسپورتتاۋعا جارتى جىلعا تىيىم سالىنادى. بۇل جونىندە ەنەرگەتيكا مينيسترلىگىنىڭ ءباسپاسوز قىزمەتى حابارلادى.
«مينيسترلىك مۇناي ونىمدەرى تاپشىلىعىنىڭ تۋىنداۋىنا جول بەرمەس ءۇشىن «قازاقستان رەسپۋبليكاسى اۋماعىنان مۇناي ونىمدەرىن اكەتۋدىڭ كەيبىر ماسەلەلەرى تۋرالى» بۇيرىق ازىرلەدى. وعان سايكەس 21 قاراشادان باستاپ بەنزين، ديزەل وتىنى جانە مۇناي ونىمدەرىنىڭ جەكەلەگەن ءتۇرىن اۆتوكولىكپەن شەتەلگە اكەتۋگە التى اي مەرزىمگە تىيىم سالىنادى»، – دەلىنگەن ۆەدومستۆو حابارلاماسىندا.
قۇجاتقا سايكەس، تىيىم التى اي مەرزىمگە، 21 قاراشادان 21 مامىرعا دەيىن – قازاقستان اۋماعىنان جانارماي-جاعارماي تاسىمالداۋعا ەنگىزىلدى. سونداي-اق، بۇل شەكتەۋ كولىكتىڭ ماي قۇياتىن باگىنا جانە 20 ليترگە دەيىنگى ىدىس-قۇتىعا قۇيۋعا قولدانىلمايدى.
بيىل كۇزدە ەلدە جانار-جاعارماي مەن ديزەل وتىنى تاپشىلىعى بايقالدى. كوپتەگەن شارۋانىڭ جۇمىسى تۇرالاپ، ترانسپورت سالاسى قيىندىققا ۇشىرادى. ۇكىمەت اسپاندعان باعا مەن تاپشىلىق قۇبىلىسىن شەتەلدىك جۇرگىزۋشىلەردىڭ جول-جونەكەي كوپ كولەمدە مودشەردەن تىس ساتىپ الۋىمەن بايلانىستى تۇسىندىرگەن.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى