2021 جىلى قازاقستاندا 86 ملن توننا مۇناي وندىرىلمەك. ال 2025 جىلعا قاراي ۇكىمەت بۇل كورسەتكىشتى 100,7 ملن تونناعا دەيىن ۇلعايتۋدى جوسپارلاپ وتىر. 

سەيسەنبى، 25 تامىز كۇنى وتكەن ۇكىمەت وتىرىسىندا ۇلتىق ەكونوميكا ءمينيسترى رۋسلان دالەنوۆ 2021-2025 ج.ج. ارالىعىنا ارنالعان الەۋمەتتىك-ەكونوميكالىق بولجامىن ءبولىستى:

«نەگىزگى كورسەتكىشتەر بويىنشا وڭ وزگەرىستەر كۇتىلۋدە. وڭدەۋ ونەركاسىبى (جىلىنا ورتا ەسەپپەن 6,7%) تاۋ-كەن سالاسىنا (2,9%) قاراعاندا جىلدامىراق وسەدى. ورتاشا جىلدىق ءوسىم قارقىنى اۋىل شارۋاشىلىعىندا 6,2 پايىز جانە ساۋدادا 5,5% بولادى»، – دەدى مينيستر.

دالەنوۆتىڭ مالىمەتىنشە، تاۋارلاردىڭ ەكسپورتىن 2021 جىلى 51,5 ملرد اقش دوللارىنا دەيىن ارتىپ، 2025 جىلى 41,4 ملرد دوللارعا جەتكىزۋ جوسپارلانعان.  سونىمەن قوسا، يمپورت اينالىمى ەندىگى جىلى 36,3 ملرد دوللاردان 2025 جىلى 37,8 ملرد دوللارعا ارتادى.

وسىعان دەيىن ەنەرگەتيكا ءمينيسترى نۇرلان نوعاەۆ بيىلعى جەتى ايدا (قاڭتار-شىلدە) وندىرىلگەن مۇناي مەن كوندەنسات ءوندىرىسى 51,5 ملن تونناعا جەتكەنىن حابارلاعان. 2019 جىلى وسى ۋاقىت ارالىعىمەن سالىستىرعاندا 1,4%-عا تومەن. بيىل مۇناي ەكسپورتى 42 ملن توننا بولعان.

"The Qazaq Times"