جوسپار تولىق ورىندالسا دا، پايدا كەم – شيكىزاتقا تاۋەلدى قازاقستان قانشا مۇناي ءوندىردى؟

بۇگىن ۇكىمەت وتىرىسىندا ەنەرگەتيكا ءمينيسترى نۇرلان نوعاەۆ بيىل قاڭتار مەن قىركۇيەك ارالىعىندا 64,7 ملن توننا مۇناي وندىرىلگەنىن مالىمدەدى.

ءمينيستردىڭ كەلتىرگەن دەرەگى بويىنشا،ەلدە مۇناي ءوندىرۋ كولەمى 64,7 ملن تونناعا جەتكەن. 9 ايدىڭ جوسپارى 100,5% پايىزدى قۇرادى. ونىڭ ىشىندە 20,2 ملن توننا مۇناي تەڭىز كەنىىشىنە تيەسىلى. ال قاشاعان كەن ورنىندا مۇناي ءوندىرۋ كورسەتكىشى 11,5 ملن تونناعا جەتسە، قاراشىعاناق كەنىندە 9 ملن توننا وندىرىلگەن.

ەكسپورتتالعان مۇنايدىڭ كولەمى 52,2 ملن توننا. جوسپار 100%-عا ورىندالدى دەپ سۇيىنشىلەگەن نوعاەۆتىڭ حابارىنا قۋانا قويۋ ەرتە. سەبەبى پاندەميامەن قاتار كەلگەن ەكونوميكالىق داعدارىس كەزىندە شيكىزات اينالىمى مەن نارىعى بۇرىن بولماعان دەڭگەيدە قۇلدىرادى. سوندىقتان باررەل مۇنايدىڭ بۇرىنعى باعاسى كەلمەسكە كەتكەندەي، سودان بولار بيۋدجەت ءتۇسىمى ايتارلىقتاي ورتايعان.

ۇەم-عا قاراستى ستاتيستيكا كوميتەتىنىڭ دەرەگىنشە، بىلتىر 90,5 ملن توننا كولەمدە شيكى مۇناي مەن كوندەسات وندىرىلگەن. بيىلعى قارقىن دا جامان ەمەس. دەگەنمەن تابىس وتكەن جىلعىداي بولماسى انىق. بۇل باعىتتا ۇكىمەت قانداي شارا قابىلداپ جاتقانى ازىرگە بەلگىسىز.

"The Qazaq Times"