قازاقستاندا اتوم ەلەكتر ستانتسياسىن سالۋ تەحنيكا ەكونوميكالىق نەگىزدەمەنىڭ ناتيجەسىنە بايلانىستى بولادى. بۇل تۋرالى قر ەنەرگەتيكا ءمينيسترى قانات بوزىمباەۆ مالىمدەدى.
"وسى جىلدىڭ سوڭىنا دەيىن "قازاتومونەركاسىپ" ۇلتتىق كومپانياسى تەحنيكا-ەكونوميكالىق نەگىزدەمەنى جاساپ شىعارۋدى قولعا الادى دەپ بولجاپ وتىرمىز. ءبىز ولار سۇراعان مالىمەتتەر بويىنشا جۇمىس ىستەپ جاتىرمىز. ال تەحنيكا-ەكونوميكالىق نەگىزدەمە جاسالىپ بولعاننان كەيىن كەلەسى جىلى اەس-قا قاتىستى شەشىمدى ايتامىز", - دەدى ول Kazenergۋ فورۋمىنان كەيىن جۋرناليستەرمەن كەزدەسۋ كەزىندە.
سونداي-اق، بوزىمباەۆ تەحنيكالىق-ەكونوميكالىق نەگىزدەمەنى ازىرلەۋ ءۇشىن جۇمىستار جۇرگىزىلەتىنىن اتاپ ءوتتى.
"وسى نەگىزدەمەنىڭ ناتيجەسى قازاقستاندا اتوم ستانتسياسىنىڭ قانشالىقتى قاجەت ەكەنىن كورسەتەدى", - دەدى ول.
ايتا كەتەيىك، بۇدان بۇرىن مينيسترلىك "قازاقستان اتوم ەلەكتر ستانتسياسىن سالۋ تۋرالى شەشىمدى 2018 جىلدىڭ سوڭىنا قاراي قابىلدايدى" دەپ مالىمدەگەن. ال 2016 جىلدىڭ سوڭىندا ەنەرگەتيكا مينيسترلىگى اەس سالۋدىڭ قاجەتى جوق جانە الداعى 7 جىلدا اەس قۇرىلىسى تۋرالى ماسەلە بولمايتىنىن ايتقان ەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى