فوتو: sputnikipogrom.com

الەمدەگى باقىتتى ەلدەردىڭ رەيتينگىندە (World happiness report 2017) قازاقستان 155 ەلدىڭ ىشىندە 60 ورىنعا يە بولدى. بۇل تۋرالى Sputnik اقپارات اگەنتتىگى حابارلاپ وتىر.

رەيتينگ ءار ەلدىڭ جان باسىنا شاققانداعى جالپى ىشكى ونىمىنە، مەملەكەت تاراپىنان بولاتىن الەۋمەتتىك كومەككە، دەنساۋلىق ساقتاۋ دەڭگەيىنە، سايلاۋ ەركىندىگىنە جانە قايىرىلىمدىق ىسىنە، سونداي-اق، جەمقورلىق دەڭگەيىنە بايلانىستى قۇرىلعان.

رەيتينگتى انىقتاۋعا قاتىستى زەرتتەۋ جۇمىستارى 2014-2016 جىلدار ارالىعىندا جۇرگىزىلگەن.

قازاقستاننىڭ الدىندا 59 ورىندا تۇركىمەنستان ەلى تۇر. بۇدان بولەك، كورشى-سەرىكتەس ەلدەر اراسىندا وزبەكستان 47 ورىنعا، رەسەي 49 ورىنعا يە بولىپ، قازاقستاننىڭ الدىنا شىقتى. ال قازاقستاننان كەيىن تۇرعان ەلدەر: بەلارۋس (67), ازەربايجان (85), قىرعىزستان (98), ارمەنيا (121), ۋكراينا (132).

ال ەڭ باقىتتى ەلدەر رەيتينگىنىڭ كوشىن سكانديناۆيالىق نورۆەگيا، دانيا، يسلانديا ەلى باستاپ تۇر. ودان سوڭ شۆەيتساريا، فينليانديا جانە نيدەرلاندى (6) ءتىزىمدى جالعايدى.

ەڭ باقىتسىز ەلدەر رەتىندە تانزانيا (153), بۋرۋندي (154) جانە ورتالىق افريكا رەسپۋبليكاسى (155) تانىلدى.

 

“The Qazaq Times”