2018 جىلى ەكونوميكانىڭ ناقتى سەكتورلارىن دامىتۋ ءۇشىن بيۋدجەتتەن 1,4 ترلن تەڭگە ءبولۋ قاراستىرلعان. بۇل تۋرالى قر قارجى ءمينيسترى باقىت سۇلتانوۆ مالىمدەدى.
سونداي-اق، ۆەدومستۆو باسشىسى 2018 جىلعا جوسپارلانعان بيۋدجەت شىعىندارى تۋرالى ايتتى. سونىمەن "نۇرلى جول" باعدارلاماسىن جۇزەگە اسىرۋعا 243,3 ملرد تەڭگە جۇمسالادى. ال "نۇرلى جەر" تۇرعىن ءۇي باعدارلاماسىنا 125,2 ملرد تەڭگە جۇمساۋ كوزدەلگەن. اگرووندىرىس كەشەنىن دامىتۋعا، ونىڭ ىشىندە سۋبسيديا، سۋ شارۋشىلىعىن دامىتۋ، ۆەتەرينارياعا 195 ملرد تەڭگە قاراستىرىلعان. يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ ەكىنشى كەزەڭىن ىسكە اسىرۋعا 76,1 ملرد تەڭگە بولىنەدى.
"رەسپۋبليكالىق بيۋدجەت دەفيتسيتى ءجىو-گە قاتىستى 2018 جىلدان 2019-2020 جىلعا قاراي 1,1%-دان 1%-عا دەيىن تومەندەدى، بۇل مەملەكەتتىك قارىز كولەمىن قالىپتى دەڭگەيدە ۇستاۋعا مۇمكىندىك بەرەدى", - دەدى سۇلتانوۆ.
سونداي-اق، مۇنايدان تۇسكەن تۇسىمدەردىڭ كولەمى وسى جىلعى جوسپاردىڭ 851,1 ملرد تەڭگەگە وسۋىنە بايلانىستى 5,2 ترلن تەڭگەنى قۇرايدى.
ءمينيستردىڭ ايتۋىنشا، 2018 جىلى رەسپۋبليكالىق بيۋدجەتتىڭ شىعىنى 9,2 ترلن تەڭگە بولادى جانە بۇل بيىلعى شىعىنعا قاراعاندا 134,6 ملرد تەڭگەگە جوعارى. بۇدان بولەك، شىعىنداردىڭ ەڭ كوپ بولىگىن نەمەسە 44,5%-ىن الەۋمەتتىك سالا قۇرايدى، ياعني شىعىن بيىلعى جىلعا قاراعاندا 400 ميلليارد تەڭگەگە ارتىق بولادى.
ايتا كەتەيىك، مەملەكەتتىك بيۋدجەتتەن ەكونوميكانىڭ ناقتى سەكتورلارىنا جىلدا قاراجات بولىنەدى. الايدا ونىڭ تولىق يگەرىلۋىن كوپشىلىگى قامتاماسىز ەتىپ وتىرعان جوق. ءتىپتى الەۋمەتتىك سالاعا بولىنگەن قارجى كوپ بولعان كۇننىڭ وزىندە حالىق جاعدايىنىڭ كوتەرىلگەنىن بايقاپ وتىرعان جوقپىز.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى