فوتو: Atameken Business Channel

قازاقستان رەسپۋبليكاسىنىڭ ۇلتتىق بانكى بازالىق مولشەرلەمەنى +/-1
1% دالىزبەن 10,25%-عا دەيىن تومەندەتۋگە شەشىم قابىلدادى. وسىلايشا بازالىق مولشەرلەمە بۇرىنعى كورسەتكىشتەن 0,25%-عا  تومەندەدى. بۇل تۋرالى باس بانكتىڭ ءباسپاسوز قىزمەتى حابارلادى.

"جىلدىق ينفلياتسيا باياۋلاپ، نىسانالى دالىزدە تۇر، ال ونىڭ تومەندەۋ باعىتى ۇلتتىق بانكتىڭ بولجامدىق باعالاۋلارىنا سايكەس كەلەدى. اقشا-كرەديت
تالاپتارىنىڭ جۇمسارۋىنا ينفلياتسيالىق كۇتۋلەردىڭ تۇراقتى دەڭگەيى، شيكىزات نارىقتارىنداعى احۋالدىڭ تۇراقتانۋى، سول سياقتى ورتا مەرزىمدى كەزەڭدەگى ينفلياتسيا دەڭگەيىنىڭ ودان ءارى تومەندەۋىبويىنشا بولجامدار سەبەپشى بولدى", - دەلىنگەن ءباسپاسوز حابارلاماسىندا.

بازالىق مولشەرلەمە بويىنشا شەشىم:

  • ينفلياتسيا;
  • ينفلياتسيالىق كۇتۋلەر;
  • ەكونوميكالىق بەلسەندىلىك;
  • شيكىزات نارىقتارىنداعى احۋالدىڭ تۇراقتانۋىنا قاتىستى فاكتورلاردى  ەسكەرە وتىرىپ قابىلدانعان.

بازالىق مولشەرلەمە بويىنشا كەزەكتى شەشىم 2017 جىلعى 9 قازاندا استانا ۋاقىتى بويىنشا ساعات 17:00-دە جاريالاناتىن بولادى.

ايتا كەتەيىك، ۇلتتىق بانك شىلدە ايىندا بازالىق مولشەرلەمە دەڭگەيىن وزگەرىسسىز قالدىرعان بولاتىن.

“The Qazaq Times”