حومەيني انساروللا قوزعالىسىنىڭ وكىلدەرىن قابىلدادى. فوتو: IRNA,

يران بيلىگى ساۋد ارابياسى مەن بىرىككەن اراب امىرلىگىنىڭ يەمەندەگى ارەكەتتەرىنە بار كۇشىمەن قارسى تۇرماق. مۇنداي مالىمدەمەنى يراننىڭ رۋحاني كوسەمى، ەڭ جوعارى لاۋازىمدىسى اياتوللا حومەيني مالىمدەدى. ول اتالعان مالىمدەمەسىن يەمەندەگى انساروللا قوزعالىسىنىڭ وكىلدەرىمەن كەزدەسۋ كەزىندە ورتاعا سالعان بولاتىن. 

ير-نىڭ رۋحاني كوسەمى ساۋد ارابياسى مەن ءباا-نىڭ يەمەندەگى ارەكەتىن بولشەكتەۋ، بەيبىت ەلدى باسىپ الۋ دەپ باعالاعان. ول سونداي-اق، يەمەندەگى ءدىني سەنىم الاۋىزدىعىن، تايپالار مەن توپتاردىڭ ەرەكشەلىكتەرىن ەسكەرە وتىرىپ "يەمەندىك ديالوگ" ورناتۋ يدەياسى ورتاعا سالعان.

حومەيني كەزدەسۋدە باتىس ەلدەرىن ورتا شىعىستاعى بارلىق بۇلىككە ارالاسقانىمەن، يەمەن جانە پالەستيناداعى شاپقىنشىلىق ارەكەتتەرگە كوز جۇما قاراپ وتىر دەگەن پىكىرىن بىلدىرگەن.

يەمەندەگى حۋسيت كۇشتەرىنىڭ شەت كۇشتەرىنە قارسى كۇرەسىن جوعارى باعالاعان حومەيني ساۋد ارابياسى مەن ءباا-نىڭ سول ەلدەگى ارەكەتتەرىنە قارسى تۇرۋعا يران تارابى بار كۇشىن سالاتىنىن ەسكەرتكەن.

“The Qazaq Times”