قازاقستاندىق مەسسي «قايرات» كلۋبىنا كەلۋى مۇمكىن

«قايرات» فۋتبول كلۋبىنىڭ قاداعالاۋ كەڭەسىنىڭ باسشىسى قايرات بورانباەۆ كيپردەگى رەسەيلىك «ۋفا» قۇراماسىنىڭ جاتتىعۋىنا قاتىسقان. ونداعى باستى ماقسات قازاقستاندىق ەركەبۇلان سەيداحمەتوۆپەن كەلىسىم-شارتقا وتىرۋ بولىپ وتىر دەيدى Vesti.kz.

وتكەن جىلى قازان ايىنىڭ سوڭىندا الماتىلىق «قايرات» كومانداسى سەيداحمەتوۆ ءۇشىن ميلليون دوللار جۇمساۋعا ءازىر ەكەندىگى تۋرالى اقپارات تاراپ كەتكەن بولاتىن. بىراق، ونىڭ قانشالىقتى جۇزەگە اساتىندىعىن ەشكىم ناقتى بولجاي قويعان جوق.

2018 جىلدان باستاپ رەسەيلىك «ۋفا» فۋتبول كومانداسىندا ونەر كورسەتەتىن ەركەبۇلاننىڭ جاسىل الاڭعا شىعۋىنا قاراعاندا، جاراقاتىمەن ۇزاق ۋاقىت جاتىپ قالعاندىعى بەلگىلى. بار بولعانى ءۇش ويىن وتكىزىپ، ەكەۋىندە دۋبلدەن، ال بىرىندە ستارتتىق قۇراممەن شىقتى.  تىپتى، گەرمانياعا دەيىن بارىپ وتا جاساتقان جاس فۋتبولشى  بابىنا ەندى-ەندى كەلگەن سەكىلدى. سەبەبى، جاقىن ۋاقىتتا الاڭنان كورەسىزدەر دەپ كوپشىلىككە ۋادە بەرگەن ەركەبۇلان الداعى ماۋسىمدى «قايرات» كلۋبىندا باستاۋى دا بەك مۇمكىن.

كيپردەگى «ۋفا» قۇراماسىنىڭ العاشقى جاتتىعۋى 24 قاڭتار كۇنى اياقتالدى. ال، ەكىنشى كەزەڭ 27 قاڭتارعا جوسپارلانعان. قازاقستاندىق مەسسيدىڭ «قايرات» ساپىنا كەلۋ-كەلمەۋى بولاشاقتا انىقتالاتىن بولادى.

“The Qazaq Times”