وسى عاسىردىڭ سوڭىنا قاراي جەر شارى تاعى 2 گرادۋسقا جىليدى

وسى عاسىردىڭ سوڭىنا قاراي عالامدىق تەمپەراتۋرا 2 تسەلسي گرادۋسقا نەمەسە فارەنگەيت بويىنشا 3,6 گرادۋسقا جوعارىلايدى. بۇل تۋرالى Nature Climate Change جۋرنالىنىڭ سوڭعى سانىندا ەكى بىردەي زەرتتەۋ قورىتىندىسى نەگىزگە الىنىپ، جازىلدى. 

زەرتتەۋلەر قورشاعان ورتاداعى جىل سايىن ارتىپ وتىرعان كومىرقىشقىل گازىنىڭ ۇلەسىن، دەموگرافيالىق ءوسىم مەن  تۇتىنۋ پروتسەسىنىڭ ارتۋىن ەسەپكە العان. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، وسى ۋاقىتقا دەيىن كليماتتىق وزگەرىستەر (تابيعي اپاتتار), قورشاعان ورتانىڭ لاستانۋى مەن ودان تۋىندايتىن اۋرۋلاردىڭ اسەرىنەن 12,6 ملن ادام ولگەن. 2030-2050 جىلدار ارالىعىندا تەمپەراتۋرانىڭ ارتۋى مەن جاھاندىق كليماتتىق اۋىتقۋلار تاعى 250 مىڭ ادامنىڭ ولىمىنە سەبەپكەر بولۋى مۇمكىن.

عالىمدار جەر شارىنىڭ تەپە-تەڭدىگىن ساقتاپ قالۋ ءۇشىن جاسىل ەكونوميكاعا تارتىلاتىن ينۆەستيتسيا كولەمىن ارتتىرۋ قاجەت دەپ ەسەپتەيدى.

“The Qazaq Times”