«سامۇرىق-قازىنا» گەرمانيانى جەكەشەلەندىرۋگە قاتىسۋعا شاقىردى

"جەكەشەلەندىرۋ باعدارلاماسىنىڭ نەگىزگى ماقساتى مەنشىك قۇرامى مەن قۇرىلىمىن وڭتايلاندىرۋ ارقىلى باسقارۋ تيىمدىلىگىن ارتتىرۋ، ءبىلىم مەن جاڭا تەحنولوگيالاردى ترانسفەرتتەۋ ءۇشىن شەتەلدىك ينۆەستيتسيالاردى تارتۋ، سونداي-اق كومپانيالاردى جەكە مەنشىك سەكتورعا ساتۋ ارقىلى پايدانى بارىنشا كوبەيتۋ، - دەيدى «سامۇرىق-قازىنا» اق اكتيۆتەردى وڭتايلاندىرۋ جونىندەگى باسقارۋشى ديرەكتورى - باسقارما مۇشەسى بەرىك بەيسەنعاليەۆ.

جاڭا يندۋستريالاردى دامىتۋ تۋرالى «سامۇرىق-قازىنا» اق  تەڭ باسقارۋشى ديرەكتورى ەرجان تۇتقىشەۆتىڭ سوزىنشە «سامۇرىق-قازىنا» ستراتەگيالىق مىندەتتەرىنىڭ ءبىرى –  جۇمىس ورىندارىن قۇرۋ، سالىق بازاسىن ارتتىرۋ،  ەكونوميكانى ءارتاراپتاندىرۋ جانە ەلدەگى ەكونوميكالىق بەلسەندىلىكتى ارتتىرۋ ءۇشىن ەل ەكونوميكاسىنا شەتەلدىك ينۆەستيتسيالاردى تارتۋ. وعان قوسا، قور جەكە مەنشىك بيزنەسپەن باسەكەلەسۋدى جوسپارلامايدى.

گفر فەدەرالدى ەكونوميكا جانە تەحنولوگيالار مينيسترلىگىنىڭ پارلامەنتتىك ستاتس-حاتشىسى ۋۆە بەكمايەر سونداي-اق قازاقستان-گەرمانيا سەرىكتەستىگىنىڭ ءوزارا تيىمدىلىگىن اتاپ ءوتتى.

«جاڭا يندۋستريالاردى دامىتۋ جانە جەكەشەلەندىرۋ بويىنشا قور جوبالارى نەمىس بيزنەسى ءۇشىن قىزىقتى. ولار جەمىستى ىنتىماقتاستىعىمىزدى جانداندىرۋ ءۇشىن جاڭا مۇمكىندىكتەر اشادى»، - دەدى ۋۆە بەكمايەر.

كەزدەسۋ سوڭىندا قوردىڭ توپ-مەنەدجەرلەرى گەرمانيانىڭ بيزنەس وكىلدەرىن 2017 جىلى 5-7 قىركۇيەكتە استانادا وتەتىن تاۋەلسىز قورلار فورۋمىنا شاقىردى.

ايتا كەتەيىك، قازاقستانداعى جەكەشەلەندىرۋگە قاتىستى اركىمنىڭ پىكىرى ءارتۇرلى. ءبىرى «ەلىمىزدە ءىرى كاسىپورىنداردى ساتىپ الا الاتىن ادامدار از. ولاردى ساتىپ الۋعا تەك Forbes تىزىمىندەگىلەردىڭ عانا مۇمكىندىگى بار» دەسە، ەندى ءبىرى «جەكەمەنشىككە شىعارىلعالى جاتقان كومپانيالارعا كوبىنە "سامۇرىق-قازىنا" قورىندا جۇمىس ىستەيتىندەر نەمەسە سولارمەن بىرىككەن بيزنەسمەندەر يەلىك ەتۋى مۇمكىن» دەيدى.

“The Qazaq Times”