№ 1 يندۋستريالدىق پارك اۋماعىندا «ءبىر بەلدەۋ، ءبىر جول» حالىقارالىق ارىپتەستىك اياسىندا قۇرىلعىلار قۇرىلىسى كاسىپورنى سالىنباق، دەپ حابارلايدى قالا اكىمدىگىنىڭ ءباسپاسوز قىزمەتى.
وسىعان بايلانىستى مەموراندۋم «استانا قالاسىنىڭ ينۆەستيتسيالار جانە دامۋ باسقارماسى» باسشىسى الىشەر ابدىقادىروۆ پەن "Beijing DianLianYu Technology Co" قىتاي كورپوراتسياسىنىڭ باسشىسى حۋانگ چەنگ اراسىندا جاسالدى.
اكىمدىكتىڭ اقپاراتىنشا، ەلەكتر ولشەۋىشتەر، بايلانىس مودۋلدەرى، قۇرامداس بولشەكتەر، ترانسفورماتورلارمەن باسقا دا قۇرىلعىلار شىعاراتىن ءوندىرىس ورنىن قۇرۋ جوسپارلانۋدا جانە وعان 200 ميلليون دوللار ينۆەستيتسيا قۇيىلماق.
سونداي-اق، جوبانىڭ باستالۋى بارىسىندا 40-قا جۋىق جۇمىس ورنىن قۇرۋ جوسپارلانىپ وتىر. ءوندىرىس كولەمى ۇلعايعان سوڭ ونىڭ سانىن 120-عا دەيىن جەتپەكشى. ال باعدارلامالىق جاساقتاماسى بار جوعارى تەحنولوگيالىق ولشەۋشى ەلەكتر قۇرىلعىلاردى Astana Smart city سالاسىن قامتاماسىز ەتۋ ءۇشىن دە قولدانىلۋ جوسپارلانعان.
جالپى، بۇگىنگى كۇنگە №1 يندۋستريالدىق پارك اۋماعىندا قۇنى 265 ميلليارد تەڭگەنى قۇرايتىن 66 ينۆەستيتسيالىق جوبا جۇزەگە اسىرىلىپ جاتقان كورىنەدى. ونىڭ ىشىندە 41 ءوندىرىس ورنى ىسكە قوسىلعان. ەكسپورتقا شىعارىلاتىن ءونىم كولەمى جيىرما ميلليارد تەڭگەدەن اسادى. 3000-عا جۋىق جۇمىس ورنى اشىلعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى