ەندى وڭتۇستىك كورەيا قازاقستاندىق تۋريستەردى قاتاڭ تەكسەرەدى

وڭتۇستىك كورەيا ەلگە كەلەتىن قازاقستاندىق تۋريستەردى قاتاڭ تەكسەرۋدى قولعا الىپ جاتىر. كورەيا تاراپىنان جاسالعان مالىمدەمەگە سەنسەك، مۇنداي قاتاڭ شارالار ەلدەگى زاڭسىز قازاقستاندىق ميگرانتتاردىڭ كوبەيۋى سەبەپتى ەنگىزىلىپ وتىر. 

"2014 جىلدىڭ قاراشا ايىنان باستاپ قازاقستان مەن كورەيا اراسىندا ەنگىزىلگەن ۆيزاسىز رەجيم كەلىسىمى ەڭبەك نارىعىنا ارالاسپايتىن ازاماتتارعا ارنالعان. الايدا وسىعان قاراماستان قازاقستان ازاماتتارى جۇمىسقا تۇرۋ ءۇشىن ۆيزاسىز رەجيممەن كورەياعا كەلەدى. وسى سەبەپتى كورەيادا زاڭسىز ميگرانتتار كوبەيىپ كەتتى. وسىعان بايلانىستى كورەيانىڭ يمميگراتسيالىق ورگاندارى ەلگە كەلگەن قازاقستان ازاماتتارىن قاتاڭ تەكسەرۋ تۋرالى شەشىم قابىلدادى", - دەيدى وڭتۇستىك كورەيانىڭ قازاقستانداعى ەلشىسى  كيم دە سيك.

2017 جىلدىڭ ناۋرىز ايىنىڭ سوڭىنداعى مالىمەتتەر بويىنشا كورەيادا قازاقستاننان كەلگەن زاڭسىز ميگرانتتاردىڭ سانى 4168 ادامدى قۇراعان. ال ۆيزاسىز رەجيم تۋرالى كەلىسىم جاسالعانعا دەيىن، ياعني 2014 جىلى ولاردىڭ سانى 359 ادام بولعان. وسىلايشا وڭتۇستىك كورەياداعى زاڭسىز قازاقستاندىق ميگرانتتاردىڭ سانى 11 ەسەگە كوبەيگەن.

“The Qazaq Times”