انتاليادا ادامزاتتىڭ ابايىنا ساياباق اشىلدى

انادولى ولكەسىندە تۇركى جۇرتىنىڭ قاراشاڭىراعى سانالاتىن قازاق ەلىنىڭ ۇلى ويشىلى ابايدىڭ قۇرمەتىنە ەسكەركىش تاقتاسى قويىلعان ساياباق اشىلدى. 

قازاقستاندىقتارعا اتاۋى جاقسى تانىس انتاليادا 23 قىركۇيەك كۇنى اباي قۇنانباەۆتىڭ 175 جىلدىعىنىڭ قۇرمەتىنە ساياباق اشىلدى. بۇل يدەيانىڭ باستاماشىسى – قازاقستاننىڭ تۇركياداعى ەلشىلىگى.

قازاقستاننىڭ سىرتقى ىستەر مينيسترلىگىنىڭ حابارلاۋىنشا, ساياباق اۋماعىندا ويشىل اقىننىڭ قۇرمەتىنە ورناتىلعان ەستەلىك تاقتانىڭ اشىلۋى وتكەن.

قازاقستاننىڭ تۇركياداعى ەلشىسى ابزال ساپاربەكۇلى باۋىرلاس مەملەكەتكە ساياباقتىڭ اشىلۋىنا قولداۋ بىلدىرگەنى ءۇشىن العىسىن ءبىلدىرىپ، حالىقارالىق دەڭگەيدەگى مۇنداي ءىس-شارالار ەكى ەل اراسىنداعى ىنتىماقتاستىقتى ودان ءارى دامىتۋعا ىقپال ەتەتىنىن جەتكىزدى.

انتالياداعى مۋراتپاشا اۋدانىنىڭ مەرى ۋميت ۋيسال ساياباققا اباي ەسىمىن بەرۋ قازاق جانە تۇرىك حالىقتارىنىڭ رۋحاني جانە مادەني جاقىندىعىن كورسەتەتىن ماڭىزدى وقيعا ەكەنىن ءسوز ەتتى.

«اباي ەسىمى – تۇركى الەمىن بىرىكتىرۋشى ۇلى ەسىمدەردىڭ ءبىرى»، – دەدى ول.

ساياباقتىڭ اشىلۋ قۇرمەتىنە كونتسەرت ۇيىمداستىرىلدى، ءىس-شاراعا قاتىسۋشىلار اباي ولەڭدەرىن مانەرلەپ وقىپ، اندەرىن ناقىشىنا كەلتىرە ورىندادى.

قازاق اقىنىنىڭ ساياباقتاعى ەسكەرتكىش تاقتاسىنىڭ اشىلۋىنا مۋراتپاشا اۋدانىنىڭ مەرى ۋميت ۋيسال، ەلدىڭ ساياسي جانە قوعام قايراتكەرلەرى، ەۋرازيا جانە قازاقستان دوستىعى مەن مادەنيەتى اسسوتسياتسياسىنىڭ توراعاسى مەن مۇشەلەرى، سونداي-اق، قازاق دياسپوراسىنىڭ وكىلدەرى، باق جانە قالا قوناقتارى قاتىستى.

ساياباقتى اشۋ جيىنىنا تۇركيا شەنەۋنىكتەرى مەن سونداعى قازاق دياسپوراسىنىڭ وكىلدەرى قاتىسقان. فوتو: قر ءسىم

"The Qazaq Times"