قازاقستاندىقتار التىن قۇيمالارىن ساتىپ الا الادى

ۇلتتىق بانك ەكىنشى دەڭگەيلى بانكتەر ارقىلى 10,20,30 گرامدىق تازارتىلعان التىن قۇيمالارىن ساتىلىمعا شىعارادى. بۇل تۋرالى ءباسپاسوز كونفەرەنتسياسىندا ۇلتتىق بانك توراعاسى دانيار اقىشەۆ مالىمدەدى. 

"التىن قۇيمالارى - بۇل قىمبات جانە سىناماسى 9999-عا تەڭ تازارتىلعان التىن. بولجالدى تۇردە ايتايىن، 31 مامىر كۇنگى الەمدىك فيكسينگتە10 گرامدىق التىن قۇيماسىنىڭ قۇنى شىن مانىندە 127 مىڭ تەڭگە، 20 گرامى 254 مىڭ تەڭگە، 50 گرامدىق التىن قۇيماسى  635 مىڭ تەڭگە، ال 100 گرامى 1,27 ملن تەڭگە بولدى", - دەدى دانيار اقىشەۆ.

نەگىزى التىن ۋنتسيا بويىنشا ولشەنگەنمەن، قازاقستاندىقتار ونى گراممەن ولشەپ ۇيرەنگەن. ەندى ۇلتتىق بانك الەمدىك نارىقتاعى التىننىڭ قۇنىن ەسەپكە الا وتىرىپ، كۇندەلىكتى قۇيمالاردىڭ باعاسىن جاريالاپ وتىرادى. التىندى ساتۋ، ساتىپ الۋ باعاسى ۆاليۋتا كۋرسىنا بايلانىستى ەسەپتەلەدى.

ء"سىز ۆاليۋتانى ساتىپ العاندا ارتىق تولەيسىز، ال ساتقاندا از بەرىلەدى. بانكتەر ەشبىر شەكتەۋسىز العاشقى تالاپ بويىنشا قۇيمالاردى ساتادى نەمەسە ساتىپ الا الادى. قۇيمالار ەكىنشى دەڭگەيلى بانكتەردە ساتىلادى", - دەدى ۇلتتىق بانك توراعاسى.

قازىرگى ۋاقىتتا رەتتەۋشى التىن قۇيمالارىن ساتۋ بويىنشا حالىق بانك جانە ەۋرازيالىق بانكپەن كەلىسىم جاساعان. ەندى استانا، الماتى، وسكەمەن، اتىراۋ قالالارىندا ساتىپ الۋعا بولادى.

“The Qazaq Times”