التىن قىمباتتاپ جاتىر

التىننىڭ باعاسى جىل باسىنان بەرى 12%-عا قىمباتتاپ، ۋنتسياسى 1287,2 دوللار بولعان.

5 ماۋسىم كۇنى قۇندى مەتالدىڭ باعاسى ساۋدا كەزىندە ۋنتسياسىنا 1282,5 دوللاردان 1287,6 دوللارعا دەيىن كوتەرىلگەن. وسى ناتيجەلەرگە سۇيەنسەك، التىننىڭ باعاسى جىل باسىنان بەرى 11,74%-عا قىمباتتاعان.

Sberbank Investment Research ساراپشىسى ميحايل شەيبەنىڭ سوزىنشە، التىن باعاسىنىڭ قىمباتتاۋى امەريكالىق ەڭبەك نارىعىنداعى مالىمەتتەردىڭ ءالسىز بولۋىمەن بايلانىستى. ونىڭ سوزىنشە، وتكەن جۇمادا باعالى مەتالدىڭ قۇنى 19 دوللارعا كوتەرىلگەن. 

"قازىر التىننىڭ ۋنتسياسى 1280 دوللاردان جوعارى. اقش-تىڭ ەڭبەك مينيسترلىگى ۇسىنعان ستاتيستيكا باعانىڭ قىمباتتاۋىنا اسەر ەتتى. سەبەبى وتكەن مامىر ايىندا جۇمىسپەن قامتىلاعانداردىڭ ءوسىمى باياۋلاپ كەتتى", - دەيدى ول.

ايتا كەتەيىك، وتكەن اپتادا قر ۇلتتىق بانكىنىڭ توراعاسى دانيار اقىشەۆ ەكىنشى دەڭگەيلى بانكتەر ارقىلى 10,20,30 گرامدىق تازارتىلعان التىن قۇيمالارى ساتىلىمعا شىعارىلاتىنىن مالىمدەگەن. ونىڭ سوزىنشە، ەتتەۋشى التىن قۇيمالارىن ساتۋ بويىنشا حالىق بانك جانە ەۋرازيالىق بانكپەن كەلىسىم جاساعان. ەندى استانا، الماتى، وسكەمەن، اتىراۋ قالالارىندا ساتىپ الۋعا بولادى.

“The Qazaq Times”