قاپشاعاي ينۆەستورلاردى قىزىقتىرا الماي وتىر

الماتىعا كەلەتىن ينۆەستيتسيانىڭ 93%-ى (جىلىنا 187,3 ملرد تەڭگە) مەگاپوليس ماڭىنداعى قالا تەكتەس كەنتتەرگە تيەسىلى. مىسالى تالعار، ەسىك، قاسكەلەڭ، قاپشاعاي سىندى كىشىگىرىم قالالار نەگىزگى كاپيتالىنداعى ينۆەستيتسيا كولەمىن 30%-عا دەيىن كوبەيتكەن، دەپ حابارلادى Finprom ساراپشىلارى. 

ساراپشىلاردىڭ سوزىنشە، بۇرىندارى ينەستيتسيانىڭ نەگىزگى بولىگى قاپشاعاي قالاسىنا باعىتتالاتىن. ال وسى جىلى كورسەتكىش ايتارلىقتاي وزگەرگەن. ويتكەنى وسى جىلى قاپشاعايدىڭ نەگىزگى كاپيتالىنا سالىناتىن ينۆەستيتسيا كولەمى 75%-عا قىسقارىپ، 1,4 ملرد تەڭگەنى قۇرادى. ال ەسىك قالاسىنا اۋدارىلعان ينۆەستيتسيا 8 ەسەگە ءوسىپ، 3 ملرد تەڭگەگە جەتسە، قاسكەلەڭدە 3 ەسەگە (8 ملرد تەڭگە), تالعاردا 50%-عا (4,8 ملرد تەڭگە) وسكەن.

ال وتكەن جىلداردىڭ سايكەس كەزەڭىمەن سالىستىرعاندا ەسىك، تالعار جانە قاسكەلەڭگە سالىنعان ينۆەستيتسيا كولەمى 2016 جىلعا قاراعاندا 17%-عا، 2015 جىلعا قاراعاندا 81%-عا وسكەن.

سونداي-اق، ينۆەستورلاردىڭ جەكە سالىمدارى 40%-عا ارتىپ، 150 ملرد تەڭگە بولعان جانە بۇل بيۋدجەتكە تۇسەتىن سالماقتىڭ تومەندەۋىنە اسەر ەتكەن. وسىلايشا بيۋدجەت ينۆەستيتسياسىنىڭ كولەمى 20%-عا كەمىگەن.