قازاقستاندا كۇرت قىمباتتاعان ازىق-تۇلىك تاۋارلارى

باعا ازىق-تۇلىك تاۋارلارىنا اعىمداعى جىلعى التى ايدا (2017ج. ماۋسىم 2016ج. جەلتوقسانعا) 5,1%، ازىق-تۇلىك ەمەس تاۋارلارىنا – 3%، اقىلى قىزمەتتەرگە – 2,8%-عا ءوستى، دەپ حابارلايدى قر ۇلتتىق ەكونوميكا مينيسترلىگىنىڭ ءباسپاسوز قىزمەتى. 

سونىمەن وسى جىلدىڭ باسىنان بەرى  كارتوپ 77,3%-عا، جاڭادان جينالعان كوكونىستەر – 15,6%، قوي ەتى – 10,7%، ءسيىر ەتى – 9%، جاڭادان جينالعان جەمىستەر – 7,9%، كونسەرۆىلەنگەن ءسۇت – 6,4%، سارى ماي – 5,6%، جىلقى ەتى – 4,6%، كونديتەرلىك ونىمدەر – 4,3%، مايەكتى ىرىمشىككە – 3,8%-عا قىمباتتاعان. باعاسى تومەندەگەن ونىمدەر - قيار (58,7%), قىزاناق (28,7%), جۇمىرتقا (27%), قاراقۇمىق جارماسى (13,4%), كۇنباعىس مايى (6,6%), قانت (1,8%).

باعا ءوسىمى اۆتوموبيلدەرگە 4,7%، شىنى جانە قىشتان جاسالعان ونىمدەرگە – 4,6%، توقىما بۇيىمدارىنا – 3,4%-عا، جەكە قولداناتىن تاۋارلارعا، تۇرمىستىق اسپاپتارعا – 2,9%-دان، فارماتسەۆتيكالىق ونىمدەرگە، گازەتتەر، كىتاپتار جانە كەڭسە تاۋارلارىنا – 2,8%-دان، جيھاز جانە ۇيگە قاجەتتى زاتتارعا – 2,5%، جۋعىش جانە تازالاعىش قۇرالدارعا – 2,4% قۇرادى. ديزەل وتىنى 6,6%، باللونداعى سۇيىتىلعان گاز – 5,8%، بەنزين – 5,4%-عا قىمباتتادى.

باعا دەڭگەيى قۇقىق قىزمەتتەرىنە 7%، كولiك قۇرالدارىن ساقتاندىرۋ – 6,8%، دەنساۋلىق ساقتاۋ – 4,8%، دەمالىس، ويىن-ساۋىق جانە مادەنيەت سالاسىنداعى – 2,6%، قوعامدىق تاماقتاندىرۋ – 2,5%-عا ءوستى. قالاارالىق اۆتوبۋسپەن جول ءجۇرۋ اقىسى 4%، ىشكى قالاارالىق – 2,7%، جولاۋشىلاردىڭ اۋە كولىگىمەن – 2,4%-عا قىمباتتادى، ال تەمىر جول كولىگىمەن – 1,4%-عا ارزاندادى.

تۇرعىن ءۇي-كوممۋنالدىق قىزمەتتەر سالاسىندا تاريفتەر كارىزگە 7,4%، ورتالىقتان جىلىتۋعا – 7,3%، تاراتۋ جەلىلەرى ارقىلى تاسىمالداناتىن گازعا – 4,2%، ىستىق سۋعا – 3,8%، تۇرعىن ءۇيدى كۇتىپ ۇستاۋعا – 3,5%، ەلەكتر ەنەرگياسىنا – 3,2%، سۋىق سۋعا – 2,4%-عا جوعارىلادى.

“The Qazaq Times”