كورنەكى سۋرەت. فوتو: اشىق دەرەككوز

ستاتيستيكا اگەنتتىگىنىڭ مالىمەتىنشە، ازىق-تۇلىك تاۋارلارىنىڭ باعاسى ءبىر جىلدا 8,6%-عا وسكەن.

بىلتىرعى جىلمەن سالىستىرعاندا بيىل نان ونىمدەرى جانە جارمالار، ەت، بالىق جانە تەڭىز ونىمدەرى، ءسۇت ونىمدەرى، جۇمىرتقا، ماي جانە توڭماي، كونديتەرلىك ونىمدەر، جاڭا جينالعان كوكونىستەر مەن جەمىستەر، الكوگولسىز سۋسىندار جانە الكوگولدى ىشىمدىكتەر قىمباتتادى، ال قانت ارزانداعان.

2020 جىلعى اقپاندا جارما ونىمدەرى توبىندا قاراقۇمىق جارماسىنا ورتاشا باعاسى كيلوگرامىنا 326 تەڭگە (بىلتىر اقپاندا – 243 تەڭگە), سۇلى جارماسىنا – 352 تەڭگە (330 تەڭگە), سوك – 373 تەڭگە (254 تەڭگە), كۇرىش 376 تەڭگەگە (323 تەڭگە) شىقتى.

قۇمشەكەردىڭ ورتاشا باعاسى 2020 جىلعى اقپاندا كيلوگرامىنا 185 تەڭگە، بىلتىر ءدال وسى ۋاقىتتا 236 تەڭگە بولدى. 2020 جىلعى اقپاندا ءسۇت ونىمدەرىنەن سۇزبەگە ورتاشا باعا كيلوگرامىنا 1615 تەڭگەنى (2019 جىلعى اقپاندا – 1579 تەڭگە), قايماق – 1121 تەڭگەنى (1050 تەڭگە), ايران – 300 تەڭگەنى (286 تەڭگە), پاستەرلەنگەن ءسۇت 256 تەڭگەگە (239 تەڭگە) ساتىلۋدا.

“The Qazaq Times”