Баға азық-түлік тауарларына ағымдағы жылғы алты айда (2017ж. маусым 2016ж. желтоқсанға) 5,1%, азық-түлік емес тауарларына – 3%, ақылы қызметтерге – 2,8%-ға өсті, деп хабарлайды ҚР Ұлттық экономика министрлігінің баспасөз қызметі. 

Сонымен осы жылдың басынан бері  картоп 77,3%-ға, жаңадан жиналған көкөністер – 15,6%, қой еті – 10,7%, сиір еті – 9%, жаңадан жиналған жемістер – 7,9%, консервіленген сүт – 6,4%, сары май – 5,6%, жылқы еті – 4,6%, кондитерлік өнімдер – 4,3%, мәйекті ірімшікке – 3,8%-ға қымбаттаған. Бағасы төмендеген өнімдер - қияр (58,7%), қызанақ (28,7%), жұмыртқа (27%), қарақұмық жармасы (13,4%), күнбағыс майы (6,6%), қант (1,8%).

Баға өсімі автомобильдерге 4,7%, шыны және қыштан жасалған өнімдерге – 4,6%, тоқыма бұйымдарына – 3,4%-ға, жеке қолданатын тауарларға, тұрмыстық аспаптарға – 2,9%-дан, фармацевтикалық өнімдерге, газеттер, кітаптар және кеңсе тауарларына – 2,8%-дан, жиһаз және үйге қажетті заттарға – 2,5%, жуғыш және тазалағыш құралдарға – 2,4% құрады. Дизель отыны 6,6%, баллондағы сұйытылған газ – 5,8%, бензин – 5,4%-ға қымбаттады.

Баға деңгейі құқық қызметтеріне 7%, көлiк құралдарын сақтандыру – 6,8%, денсаулық сақтау – 4,8%, демалыс, ойын-сауық және мәдениет саласындағы – 2,6%, қоғамдық тамақтандыру – 2,5%-ға өсті. Қалааралық автобуспен жол жүру ақысы 4%, ішкі қалааралық – 2,7%, жолаушылардың әуе көлігімен – 2,4%-ға қымбаттады, ал темір жол көлігімен – 1,4%-ға арзандады.

Тұрғын үй-коммуналдық қызметтер саласында тарифтер кәрізге 7,4%, орталықтан жылытуға – 7,3%, тарату желілері арқылы тасымалданатын газға – 4,2%, ыстық суға – 3,8%, тұрғын үйді күтіп ұстауға – 3,5%, электр энергиясына – 3,2%, суық суға – 2,4%-ға жоғарылады.

Тұтыну тауарлары мен қызметтеріне бағаның өзгеруі МАУСЫМ.png

“The Qazaq Times”