A businessman working on a touch screen.

قازاقستان رەسپۋبليكاسى 2025 جىلعا دەيىن ەل ەكونوميكاسىن دامىتۋ مەن حالىقتىڭ ءال-اۋقاتىن ارتتىرۋدا ودان ارعى وركەندەۋدى قامتاماسىز ەتۋ ماقساتىن قويىپ وتىر. ۇكىمەتتىڭ ازىرلەگەن «2025 جىلعا دەيىنگى ستراتەگيالىق دامۋ جوسپارىندا» بىرقاتار باسىمدىقتار بەلگەلىنگەن، دەدى ۇلتتىق ەكونوميكا ءمينيسترى تيمۋر سۇلەيمەنوۆ بەيسەنبىدە استاناداعى استانا ەكونوميكالىق فورۋمى الاڭىندا.

«ءبىرىنشى باسىمدىق – ەڭبەك ونىمدىلىگىنىڭ ارتۋى، ەكونوميكانىڭ تەحنولوگيالىق جاڭعىرتىلۋى، تسيفرلىق جاڭعىرتۋ»، - دەدى ول «2025 جىلعا دەيىنگى ستراتەگيالىق دامۋ جوسپارى «ۇلتتىق تەحنولوگيالىق باستاما» اەف دوڭگەلەك ۇستەلى كەزىندە.

ەكىنشى باسىمدىق – جەكە سەكتوردى بەلسەندى ەتۋ. سونىمەن قاتار، اڭگىمە دامۋدى ءجون كورمەيتىن، وسىلايشا زاماناۋي جاعدايعا كوبىرەك بەيىمدەلگەن كاسىپورىندارعا ورىن بوساتىپ جاتقان ءىرى كومپانيالاردان «ورتانى تازارتۋ» بولىپ وتىر.

سونداي-اق باسىمدىقتار قاتارىندا – قولايلى ينۆەستيتسيالىق احۋالدى قالىپتاستىرۋ.

«ءبىز بۇل جەردە تىكەلەي ەكونوميكانى رەتتەۋ تۇرعىسىنان الىپ قاراعانداعى ىسكەرلىك كليمات تۋرالى عانا ايتىپ وتىرعان جوقپىز، ءبىز ينستيتۋتتاردىڭ ساپاسى تۋرالى ايتىپ وتىرمىز، بۇل جەردە سوتتاردىڭ ساپاسىن ارتتىرۋ تۋرالى دا، حالىقتىڭ قۇقىقتىق ساۋاتتىلىعىن قالىپتاستىرۋ تۋرالى دا ايتىلىپ وتىر»، - دەدى مينيستر.

“The Qazaq Times”