«جىنىمدى كەلتىرمەشى»: سۋ جاڭا مينيستر اشۋلى ارىپتەسىنە قاتىستى مالىمدەمە جاسادى

سۋ جاڭا ۇلتتىق ەكونوميكا ءمينيسترى رۋسلان دالەنوۆ: «حالىق وزگەرىستەردى سەزىنۋى ءتيىس» - دەپ مالىمدەدى.

ۇكىمەت وتىرىسىنان كەيىن جۋرناليستەر سۇراعىنا جاۋاپ بەرگەن رۋسلان دالەنوۆ تاريفتەردىڭ ارزانداۋىنا قاتىستى مالىمدەمە جاسادى.

«شاعىمدانىڭىزدار، مەن ءاربىر ماسەلەنى ءوز باقىلاۋىما الامىن. سەبەبى باعالار جوسپار بويىنشا ارزانداۋى كەرەك. حالىق وزگەرىستەردى سەزىنۋى ءتيىس» - دەدى دالەنوۆ.

ءمينيستردىڭ ايتۋىنشا، تاريفتەر جوسپار بويىنشا ارزانداۋدا. ول ءوزىنىڭ بۇل سوزىنە دالەل رەتىندە ۇكىمەت وتىرىسىنا استانا قالاسىنىڭ تۇرعىندارىنا كوممۋنالدى قىزمەت تۇرلەرىن تولەگەندە بەرىلەتىن تۇبىرتەكتىڭ كوشىرمەسىن الىپ كەلگەن.

«مەن كەشە پوشتا جاشىگىنەن تۇبىرتەكتى الدىم. ونى ءالى قاراعان جوقپىن. دەسە دە، ايتايىن: ەلەكتر ەنەرگياسىنىڭ ءتاريفى بۇعان دەيىن 15,32 تەڭگە بولعان، قازىر 13, 89 تەڭگەگە ياعني 10 پايزعا ارزانداعان. بۇل استانا بويىنشا. مەندە بارلىق جەردە 10 پايىز.  جىلۋ ءتاريفى 3097 تەڭگە بولعان. قازىر 2788 تەڭگە. بۇل جەردە دە 10 پايىز جانە بۇل وسىلاي كەتە بەرەدى. ەگەر وسىلاي بولماسا، تىكەلەي ماعان شاعىمدانىڭىزدار. بۇل ماسەلەنى مەن ءوز باقىلاۋىما الامىن» - دەپ مالىمدەدى سۋ جاڭا مينيستر.

بۇدان بولەك دالەنوۆقا «جىنىنا يە بولا الماي جۇرگەن» اتى شۋلى ۇلتتىق ەكونوميكا ۆيتسە-ءمينيسترى سەرىك جۇمانعارينگە قاتىستى سۇراق قويىلدى.

دالەنوۆ اتالمىش ماسەلەگە قاتىستى مينيسترلىكتە قابىلدانعان شارالار جونىندە ايتا كەلە: «مەنىڭ ويىمشا، قانداي جاعداي بولسا دا دۇرىس جاۋاپ بەرمەۋگە بولمايدى. ءبىز بۇندايدىڭ الدىن الۋىمىز قاجەت. اتالمىش وقيعاعا بايلانىستى ءبىز مينيسترلىكتە ءتيىستى ءتۇسىندىرۋ جۇمىستارىن جۇرگىزدىك. بۇنداي جۇمىس بارلىق مەملەكەتتىك ورگاندارعا قاجەت دەپ ەسەپتەيمىن. ءبىز جۋرناليستەردىڭ، باق وكىلدەرىنىڭ جاي سۇراق قويمايتىنىن تۇسىنەمىز. بۇل قوعامنىڭ، حالىقتىڭ سۇراعى. ءبىز وعان سىيلاستىقپەن قارايمىز» - دەپ اعىنان جارىلدى.

ەستەرىڭىزدە بولسا، وسىدان ءبىراز ۋاقىت بۇرىن جۇمانعارين جۋرناليستەردىڭ تاريفتەردىڭ ارزانداۋىنا قاتىستى ساۋالىنا: «سىزدەر مىنا جەرگە مەنەن تاريفتەر جونىندە سۇيراۋعا كەلدىڭىزدەر مە؟ ماعان رەسمي تۇردە كەلىڭىزدەر. مەن سىزدەرگە تاريفتەر جونىندە باسىنان اياعىنا دەيىن ايتىپ بەرەمىن. جىنىمدى كەلتىرمەڭىزشى» - دەپ جاۋاپ بەرگەن.

"The Qazaq Times"