قازاقستان 2016 جىلدىڭ قورىتىندىسىنا سايكەس، دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسىنىڭ “ەڭبەك نارىعىنىڭ تيىمدىلىگى” باعىتىندا كوشباسشى مەملەكەتتەر وتىزدىعىنا ەنىپ، 20-شى ورىنعا تۇراقتاعان.
“الداعى ءۇش جىلدا، زياندى وندىرىستە جۇمىس ىستەيتىن ازاماتتاردىڭ دەنساۋلىعىن جاقسارتۋ ماقساتىندا، قىسقارتىلعان جۇمىس ۋاقىتىن، جىل سايىنعى قوسىمشا تولەنەتىن ەڭبەك دەمالىسى جانە ءسۇت نەمەسە سۇتكە تەڭ ەمدىك-الدىن الۋ تاماقتارىن تاعايىنداۋ تۋرالى سالالىق قاعيداتتار قايتا ساراپتاۋدان وتەدى. سونىمەن قاتار، مينيسترلىكتە ايەلدەر ەڭبەگىن رەتتەۋگە ەرەكشە كوڭىل بولىنەدى” - دەپ اتاپ ءوتتى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.
2017 جىلدىڭ العاشقى 5 ايىندا 10 مىڭنان استام جۇمىسشىنىڭ 1,5 ملرد تەڭگە قارىزى ءوندىرىلدى. اعىمداعى جىلدىڭ ماۋسىم ايىنداعى ەڭبەكاقى بويىنشا قارىز 88 ملن تەڭگەنى كورسەتۋدە.
2016 جىلى وندىرىستە زارداپ شەككەندەردىڭ سانى 2015 جىلمەن سالىستىرعاندا 2,4%-عا ازايىپ (1723 ادامنان 1683 ادامعا), 670 مىڭنان استام جۇمىسشى زياندى ەڭبەك جاعدايىنداعى جۇمىسى ءۇشىن ءتۇرلى وتەماقىلارعا يە بولدى. بۇل ماقساتقا جۇمىس بەرۋشىلەر جاعى 99,7 ملرد تەڭگە ءبولدى. كاسىپورىنداردا قاۋىپسىز ەڭبەك جاعدايىن قالىپتاستىرۋدا، قۇرامىنا جۇمىس بەرۋشىلەر مەن كاسىپوداقتار وكىلدەرى كىرەتىن 12 000 وندىرىستىك كەڭەس جاساقتالدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
