شۆەيتساريانىڭ داۆوس قالاسىندا ۇيىمداستىرىلاتىن دۇنيەجۇزىلىك ەكونوميكالىق فورۋم بيىل ونلاين تۇردە ءوتىپ جاتىر. 

فورۋمدا رەسەي پرەزيدەنتى مالىمدەمە جاساۋى كەرەك. بىراق ۆلاديمير ءپۋتيننىڭ بۇل شاراعا قاتىسپاعانىنا 10 جىلدان اسىپ كەتكەن. سوڭعى رەت ول 2009 جىلى پرەمەر-مينيستر رەتىندە باسقوسۋعا قاتىسقان

بيىلعى شارانىڭ باستى تاقىرىپتارىنىڭ ءبىرى – كوروناۆيرۋس پاندەمياسىمەن كۇرەس جانە ونىڭ الەمدىك ەكونوميكاعا اسەرى.

بۇكiلالەمدiك ەكونوميكالىق فورۋم حالىقارالىق ارiپتەستiكتi دامىتۋ ماقساتىندا ۇيىمداستىرىلادى. 1971 جىلى قۇرىلعان فورۋمعا 1000-نان استام iرi كومپانيالار مەن الەم مەملەكەتتەرi مۇشە.

دۇنيەجۇزىلىك ەكونوميكالىق فورۋم (دەف) جىل سايىن، 1979 جىلدان باستاپ «جاھاندىق باسەكەگە قابىلەتتىلىك تۋرالى بايانداما» (Global Competitiveness Report) جاريالايدى. باياندامانى پروفەسسور كلاۋس شۆاب جانە كساۆە سالا-ي-ءمارتيننىڭ جەتەكشىلىگىمەن حالىقارالىق ساراپشىلار توبى دايىندايدى.

قازىرگى ۋاقىتتا رەيتينگ وسى سالاداعى ەڭ بەدەلدى كەشەندى زەرتتەۋلەر قاتارىندا. 2004 جىلدان باستاپ باياندامادا «جاھاندىق باسەكەگە قابىلەتتىلىك يندەكسى» (Global Competitiveness Index, GCI) نەگىزىندە بارلىق مەملەكەتتەردىڭ رەيتينگىسى كەلتىرىلەدى. قازاقستان 2006 جىلدان باستاپ اتالعان رەيتينگتەر تىزىمىنە ەنگەن.

"The Qazaq Times"