Qazaqstan 2016 jıldıñ qorıtındısına säykes, Düniejüzilik ekonomikalıq forumnıñ jahandıq bäsekege qabilettilik indeksiniñ “eñbek narığınıñ tiimdiligi” bağıtında köşbasşı memleketter otızdığına enip, 20-şı orınğa twraqtağan.

“Aldağı üş jılda, ziyandı öndiriste jwmıs isteytin azamattardıñ densaulığın jaqsartu maqsatında, qısqartılğan jwmıs uaqıtın, jıl sayınğı qosımşa tölenetin eñbek demalısı jäne süt nemese sütke teñ emdik-aldın alu tamaqtarın tağayındau turalı salalıq qağidattar qayta saraptaudan ötedi. Sonımen qatar, Ministrlikte äyelder eñbegin retteuge erekşe köñil bölinedi” - dep atap ötti Eñbek jäne halıqtı äleumettik qorğau ministri Tamara Düysenova.

2017 jıldıñ alğaşqı  5 ayında 10 mıñnan astam jwmısşınıñ 1,5 mlrd teñge qarızı öndirildi. Ağımdağı  jıldıñ mausım ayındağı eñbekaqı boyınşa qarız 88 mln teñgeni körsetude.

2016 jılı öndiriste zardap şekkenderdiñ sanı 2015 jılmen salıstırğanda 2,4%-ğa azayıp (1723 adamnan 1683 adamğa), 670 mıñnan astam jwmısşı ziyandı eñbek jağdayındağı jwmısı üşin türli ötemaqılarğa ie boldı. Bwl maqsatqa jwmıs beruşiler jağı 99,7 mlrd teñge böldi. Käsiporındarda qauipsiz eñbek jağdayın qalıptastıruda, qwramına jwmıs beruşiler men käsipodaqtar ökilderi kiretin 12 000 öndiristik keñes jasaqtaldı.

"The Qazaq Times"