2017 جىلدىڭ 1 توقسانىنىڭ ناتيجەسى بويىنشا قازاقستانداعى ورتاشا جالاقى 140,3 مىڭ تەڭگە بولدى. بۇل 2016 جىلدىڭ 1 توقسانىنداعى كورسەتكىشكە قاراعاندا 5,6%-عا جوعارى ەكەن. سونداي-اق، ءىرى جانە ورتا كاسىپورىندارداعى قىزمەتكەرلەردىڭ جالاقىسى 155,4 مىڭ تەڭگەگە دەيىن وسكەن جانە بۇل وتكەن جىلدىڭ سايكەس كەزەڭىنە قاراعاندا 6,6% جوعارى، دەپ حابارلايدى ranking.kz.
اگەنتتىكتىڭ مالىمەتىنشە، وسى جىلدىڭ 1 توقسانىندا ءىرى كومپانيالارداعى قىزمەتكەرلەردىڭ جالاقىسى قازاقستانداعى ورتاشا جالاقىدان 10,8%-عا جوعارى بولعان. سالىستىرساق، وتكەن جىلى بۇل كورسەتكىش 9,8%-دى قۇراپتى.
وڭىرلەردەگى جالاقى دەڭگەيىنە كەلەر بولساق، ەڭ جوعارقى ەڭبەكاقى مۇنايلى ايماقتا. مىسالى اتىراۋ وبلىسىندا 256,2 مىڭ تەڭگە. بىراق وتكەن جىلمەن سالىستىرعاندا -0,4%-عا كەمىگەن. ال ماڭعىستاۋ وبلىسىنداعى ەڭبەكاقى 247,3 مىڭ تەڭگەنى قۇراپ، +0,4%-عا كوتەرىلگەن. استاناداعى جالاقى دەڭگەيى - 203,5 مىڭ تەڭگە جانە ءبىر جىلدا +7,6%-عا وسكەن.
سونداي-اق، باتىس قازاقستان وبلىسىندا ورتا جانە ءىرى كومپانيا قىزمەتكەرلەرىنىڭ جالاقىسى ورتاشا ايلىق جالاقىمەن سالىستىرعاندا قارقىندى ۇلعايعان. مىسالى كومپانيالار وزدەرىنىڭ قولاستىنداعىلارعا وڭىردەگى ورتاشا نومينالدى جالاقى دەڭگەيىنەن 18,7%-عا ارتىق تولەگەن. مۇنداي ءۇردىس ماڭعىستاۋ (14,7%) جانە اتىراۋ وبلىسىندا دا (14,4%) بايقالادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى