زەينەتكە شىعۋىنا 3 اي قالعان ازاماتتار عانا زەينەتاقىسىن ەسەپتەتە الادى

«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق باسقارما توراعاسى ابىلايحان وسپانوۆتىڭ ايتۋىنشا، وسى پيلوتتىق جوبانى تەستتەن وتكىزۋ – مەملەكەتتىك قىزمەتتەردى بەلسەندى كورسەتۋگە العاشقى قادام.

«ءبىز ازاماتتاردىڭ مەملەكەتتىك قىزمەتتەردى الۋ ءۇشىن بىزگە كەلۋلەرىن كۇتىپ وتىرماي، ولاردى الۋعا ءوزىمىز باستاماشىلىق جاساعىمىز كەلەتىنىن بىرنەشە رەت ايتقانبىز. ازىرشە بۇل – ءبىز باستاماشىلىق جاساعان  ءبىرىنشى پيلوتتىق جوبا. سونداي-اق ءبىز كلينەتتەرگە ولار زەينەتاقى تولەمدەرىن ۇيدەن شىقپاي-اق الدىن الا ەسەپتەي الاتىندارىن ەستەرىنە سالامىز. بولاشاقتا وسىنداي كوپتەگەن پيلوتتار قىزمەتتەردى بەلسەندى كورسەتۋگە باعىتتالاتىن بولادى دەپ ويلايمىن»، – دەدى وسپانوۆ.

وسپانوۆ پيلوتتىق جوبانىڭ ازىرشە تەك استانادا تەستىدەن وتەتىنىن، ال ازاماتتار تاراپىنان وڭ پىكىرلەر بولعان جاعدايدا، ول قازاقستاننىڭ باسقا دا قالالارىنا تاراتىلاتىنىن ايتىپ ءوتتى.

ءباسپاسوز قىزمەتىنىڭ مالىمەتىنشە، زەينەتاقىنىڭ الدىن الا مولشەرى كورسەتىلەتىن اقپاراتتى مەملەكەتتىك كورپوراتسيانىڭ قىزمەتكەرلەرى ءوتىنىش ەلەكتروندىق پوشتاعا تۇسكەننەن كەيىن 3 جۇمىس كۇنىنەن كەشىكتىرمەي ۇسىنۋعا مىندەتتى. ەگەر ازامات كورپوراتسيانىڭ بەك-وفيسىنە جۇگىنگەن بولسا، وندا ول مۇنى سول كۇنى-اق بىلە الادى.

“The Qazaq Times”