فوتو: mod.gov.kz

2017 جىلعى جاۋىنگەرلىك ازىرلىك جوسپارىنا سايكەس قازاقستان قارۋلى كۇشتەرىنىڭ جازعى وقىتۋ كەزەڭى  1-9 ماۋسىم ارالىعىنداعى جاۋىنگەرلىك ازىرلىك جوسپارىنا سايكەس دايىندىق ماسەلەلەرى بويىنشا تاكتيكالىق-ساپتىق ساباقتارمەن باستالدى. بۇل تۋرالى قازاقستان رەسپۋبليكاسى قورعانىس مينيسترلىگىنىڭ رەسمي سايتىندا جاريالاندى.

بارلىق اسكەري بولىمدەر مەن قۇرامالاردا وقۋتۋدىڭ جاڭا كەزەڭى ساپقا تۇراۋدان باستالىپ شارا سالتاناتتى تۇردە جاڭا كەلگەن اسكەري قىزمەتشىلەرگە اتىس قارۋىن تاپسىرۋ، اسكەري تەحنيكانى مەڭگەرۋگە جالعاسادى.
وقىتۋدىڭ العاشقى اپتاسىندا جاڭا كەلگەن اسكەريلەردىڭ ازىرلىك دەڭگەيىن قاداعالايدى. ونان كەيىن جاۋىنگەرلىك وقۋتۋدىڭ جازعى كەزەڭى رەسمي تۇردە باستالالىپ وسىعان بايلانىستى ءىس-شارالار الىپ بارىلادى.
2017 وقۋ جىلىنىڭ جازعىوقىتۋ كەزەڭىندە قر قارۋلى كۇشتەرىن دايارلاۋ ءىس-شارالارى مەملەكەتتىڭ اسكەري قاۋىپسىزدىگىن قامتاماسىز ەتۋ جونىندەگى مىندەتتەردى جانە وتكەن وقىتۋ كەزەڭىندە قول جەتكىزگەن جاۋىنگەرلىك وقۋدىڭ ناتيجەلەرىن ەسكەرە وتىرىپ جوسپارلانعان.
اسكەري ۆەدومستۆونىڭ باسشىلىعى «قارۋلى كۇشتەردىڭ 25 جىلدىعىنا – جوعارى جاۋىنگەرلىك دايىندىق!» اتتى وسى جىلعى جاۋىنگەرلىك سايىستىڭ ۇرانى ءوز مازمۇنىن اقتايتىنىنا جانە قازاقستاننىڭ قارۋلى كۇشتەرى اسكەري بولىمدەرىنىڭ جەكە قۇرامى ونى ساپالى كورسەتكىشتەرمەن اياقتايتىنىنا سەنىمدى.

“The Qazaq Times”