قازاقستاندا كوكونىس پەن كوممۋنالدىق تاريفتەر قىمباتتادى

2017 جىلعى قاڭتار-مامىردا قازاقستان رەسپۋبليكاسىندا ينفلياتسيا 3,3%-دى قۇرادى. جالپى باعا ازىق-تۇلىك تاۋارلارىنا 4,3%، ازىق-تۇلىك ەمەس تاۋارلارىنا – 2,6%، اقىلى قىزمەتتەرگە – 2,7%-عا وسكەن. بۇل تۋرالى ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

وسى  جىلدىڭ باسىنان بەرى باعا كارتوپقا 53,9%-عا، جاڭادان جينالعان كوكونىستەرگە – 15,3%، قوي ەتىنە – 10,1%، ءسيىر ەتىنە – 8,4%، جاڭادان جينالعان جەمىستەرگە – 6,1%، سارى مايعا – 5,9%، كونسەرۆىلەنگەن سۇتكە – 5,3%، جىلقى ەتىنە – 4,2%، كونديتەرلىك ونىمدەرگە – 4%، مايەكتى ىرىمشىككە – 3,7%-عا بەلگىلەندى. باعانىڭ تومەندەۋى قيارعا 43,1%، جۇمىرتقاعا –20%، قىزاناققا – 10,2%، قاراقۇمىق جارماسىنا – 9,6%، قانتقا – 6,8%، كۇنباعىس مايىنا – 5,4%-عا كوتەرىلگەن.

باعا ءوسىمى اۆتوموبيلدەرگە 4,3%، شىنى جانە قىشتان جاسالعان ونىمدەرگە – 4%، توقىما بۇيىمدارىنا – 3%، فارماتسەۆتيكالىق ونىمدەرگە – 2,6%-عا، جەكە قولداناتىن تاۋارلارعا، گازەتتەر، كىتاپتار جانە كەڭسە تاۋارلارىنا – 2,4%، جيھاز جانە ۇيگە قاجەتتى زاتتارعا، جۋعىش جانە تازالاعىش قۇرالدارعا، تۇرمىستىق اسپاپتارعا – 2,1%-دان قۇرادى. باللونداعى سۇيىتىلعان گاز 5,8%، بەنزين – 5,5%، ديزەل وتىنى – 4,5%-عا قىمباتتادى.

باعا دەڭگەيى قۇقىق قىزمەتتەرىنە 7%، كولiك قۇرالدارىن ساقتاندىرۋ – 6,8%، دەنساۋلىق ساقتاۋ – 4,6%، قوعامدىق تاماقتاندىرۋ – 2,2%، دەمالىس، ويىن-ساۋىق جانە مادەنيەت سالاسىنداعى – 2%-عا ءوستى. قالاارالىق اۆتوبۋسپەن جول ءجۇرۋ اقىسى 3,7%، ىشكى قالاارالىق – 2,7%-عا قىمباتتادى، ال جولاۋشىلاردىڭ تەمىر جول كولىگىمەن – 3,1%، اۋە كولىگىمەن – 1,7%-عا ارزاندادى.

تۇرعىن ءۇي-كوممۋنالدىق قىزمەتتەر سالاسىندا تاريفتەر ورتالىقتان جىلىتۋعا 7,3%، ىستىق سۋعا – 6,9%، كارىزگە – 6,8%، تاراتۋ جەلىلەرى ارقىلى تاسىمالداناتىن گازعا – 4,2%، ەلەكتر ەنەرگياسىنا – 3,1%، سۋىق سۋعا – 2,2%-عا جوعارىلادى.

“The Qazaq Times”