فوتو: svoe.guru

اتفبانك جاڭا «نۇرلى جەر» مەملەكەتتىك تۇرعىن ءۇي باعدارلاماسى بويىنشا (بۇدان ءارى - باعدارلاما) وتىنىشتەر قابىلداۋدى باستادى. مەملەكەتتىك سۋبسيديالاۋ نەگىزىندە قارىز الۋشىلار ءۇشىن پايىزدىق مولشەرلەمە جىلدىق 10% قۇرايدى. بۇل تۋرالى بانكتىڭ ءباسپاسوز قىزمەتى حابارلادى. 

"باعدارلاما شارتتارىنا سايكەس كرەديت سوماسى استانا جانە الماتىدا 20 ملن تەڭگەنى، ال رەسپۋبليكامىزدىڭ باسقا قالالارىندا 15 ملن تەڭگەنى قۇرايدى. كرەديت بەرىلەتىن ەڭ ۇزاق مەرزىم – 15 جىل، بۇل رەتتە مەملەكەتتىڭ مولشەرلەمەنى سۋبسيديالاۋ كەزەڭى 10 جىل. ەڭ تومەنگى باستاپقى جارنا – تۇرعىن ءۇي قۇنىنىڭ 30%-ى", - دەلىنگەن حابارلامادا.

بانكتىڭ مالىمەتىنشە، ماۋسىم ايىنان باستاپ جاڭا تۇرعىن ءۇيدى تومەن پايىزبەن ساتىپ الۋ ءۇشىن انكتىڭ كەز كەلگەن بولىمشەسىنەن كرەديت رەسىمدەۋگە بولادى. قازىرگى ۋاقىتتا بۇكىل قازاقستان بويىنشا بانكتىڭ 17 فيليالى جۇمىس ىستەيدى، ولاردىڭ قۇرامىندا 70 استام بولىمشە بار.

كرەديت بەرۋ شارتتارى تۋرالى تولىعىراق اقپاراتتى بايلانىس ورتالىعى ماماندارىنان 2424 نومىرىنە (ۇيالى تەلەفوننان قوڭىراۋ شالۋ تەگىن) قوڭىراۋ شالۋ ارقىلى بىلۋگە بولادى.

“The Qazaq Times”