حالىق ءۇشىن يپوتەكالىق كرەديت قۇنىن ارزانداتۋ ماسەلەلەرى قاراستىرىلىپ جاتىر. بۇل تۋرالى قر ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى.
ونىڭ سوزىنشە، مينيسترلىكتە ساۋلەت، قالا قۇرىلىسى جانە قۇرىلىس سالاسىندا مەملەكەتتىك نورماتيۆتەردى جەتىلدىرۋ بويىنشا جۇمىستار باستالعان.
"2030 جىلعا قاراي ءبىر تۇرعىندى تۇرعىن ۇيمەن قامتاماسىز ەتۋ كورسەتكىشىن 30 شارشى مەترگە جەتكىزىپ، باسپانا قولجەتىمدى بولۋى ءۇشىن يپوتەكالىق كرەديتتى ارزانداتۋ ماسەلەلەرىن قاراستىرىپ جاتىرمىز", - دەدى قاسىمبەك.
مينيسترلىكتىڭ مالىمەتىنشە، بيىل كوممەرتسيالىق بانكتەر قۇرىلىس كومپانيالارىنا 125 ملرد تەڭگە كولەمىندە سۋبسيديالانعان كرەديت جانە يپوتەكا ءۇشىن 105 ملرد تەڭگە بەرەتىن بولادى.
"بانك سەكتورىنىڭ جاندانۋى بەرىلەتىن كرەديتتىڭ جىل سايىنعى كولەمىنىڭ 350 ملرد تەڭگەگە ارتۋىنا جانە تۇرعىن ءۇي قۇرىلىس جيناق بانكى سالىمشىلارى ۇلەسىنىڭ ەكونوميكالىق بەلسەندى حالىق ەسەبىنەن 12 پايىزعا دەيىن كوبەيۋىنە ىقپال ەتەدى. قابىلدانعان شارالار ارقىلى 2018 جىلى تۇرعىن ءۇيدى پايدالانۋعا بەرۋ 6,8 پايىزعا ارتادى دەپ بولجانۋدا", - دەدى مينيستر.
ايتا كەتەيىك، سوڭعى كەزدە قازاقستاندىقتار يپوتەكا ارقىلى ءۇي ساتىپ الۋدى جيىلەتكەن. مىسالى 2017 جىلدىڭ 10 ايىندا بانكتەر يپوتەكالىق كرەديت كولەمىن 2016 جىلعا قاراعاندا 51 پايىزعا ارتتىرعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى