بۇگىن حالىقارالىق بالالاردى قورعاۋ كۇنى. بۇل كۇنى بارلىق اتا-انا كىشكەنتاي بالاقايلارعا ەرەكشە كوڭىل بولەدى. اۋىل-ايماق، قالالاردا وسى كۇنگە ارنالعان ءتۇرلى كونتسەرتتەر ۇيىمداستىرىلىپ، ءتىپتى كەيبىر كومپانيالار نەمەسە ورتالىقتار اتالعان كۇنى بالالارعا ارناپ ارنايى سىي دايىندايدى.

بالالار كۇنىن وتكىزۋ جونىندەگى شەشىم 1949 جىلدىڭ قاراشا ايىندا پاريجدە حالىقارالىق دەموكراتيالىق ايەلدەر فەدەراتسياسىنىڭ ارنايى سەسسياسىندا قابىلدانادى. ال  حالىقارالىق بالالاردى قورعاۋ كۇنى العاش رەت 1950 جىلى اتاپ وتكىزىلدى.

شىن مانىندە بالالاردىڭ ءار كۇنى مەرەكە بولۋى ءتيىس. ولاردىڭ ءومىرىنىڭ قاۋىپسىز بولۋى، سوعىستان قورعاۋ، دەنساۋلىعىن ساقتاۋ، بولاشاق ۇرپاققا ءبىلىم مەن تاربيە بەرۋ بارلىعى كەز كەلگەن ادامنىڭ مىندەتىنە كىرۋ كەرەك.

بۇدان بولەك، الەم حالىقتارى 20 قاراشادا حالىقارالىق نارەستەلەر كۇنىن، 16 ماۋسىمدا افريكادا بالالاردى قورعاۋ كۇنىن مەرەكەلەيدى. ال ءبىزدىڭ ەلىمىزدە بالالارعا ارنالعان كوپتەگەن مادەني شارالار ۇيىمداستىرىلىپ، جالپىحالىقتىق دەڭگەيدە اتالىپ وتىلەدى.

ەندەشە بارلىق بالالاردى ءتول مەرەكەلەرىمەن قۇتتىقتايمىز. بولاشاق ۇرپاق ارقاشان بەيبىتشىلىكتە ءومىر سۇرۋىنە جانە ەلىن، جەرىن قورعايتىن ازاماتتار بولىپ وسۋىنە تىلەكتەسپىز! بالالار جىلاماسىن!

“The Qazaq Times”