بۇرىنعى اقش پرەزيدەنتىنىڭ كەڭەسشىسى زبيگنەۆ بجەزينسكي قايتىس بولدى

زبيگنەۆ بجەزينسكي 1928 جىلى پولشالىق ديپلوماتتاردىڭ وتباسىندا دۇنيەگە كەلگەن. 1950 جىلى اقش ازاماتتىعىن العان ول وسى مەملەكەتتە ءوزىنىڭ كارەراسىن ءوسىردى.

بجەزينسكي سوتسيولوگيا، ساياساتتانۋ فيلوسوفيا سالاسىندا زەرتتەۋ جۇمىستارىمەن اينالىسقان. ول كوبىنە كسرو مەن سوتسياليستىك ەلدەردى زەرتتەۋگە دەن قويعان. كسرو قۇرامىندا بولعان حالىقتاردىڭ ۇلت-ازاتتىق كۇرەسىنە قولداۋ كورسەتتى. 1990 جىلداردان باستاپ  كسرو اۋقىمىنداعى، ونىڭ ىشىندە ورتالىق ازياداعى گەوساياسي جاعداي مەن جاڭادان پايدا بولعان تاۋەلسىز مەملەكەتتەردىڭ بولاشاعى تۋرالى ماسەلەلەرمەن شۇعىلداندى.

سونداي-اق، ول كەڭەستىك رەجيمگە قارسى كۇرەسكەن اۋعان مودجاحەدتەرىنە اقش اكىمشىلىگى تولىق قولداۋ كورسەتۋ ءۇشىن جۇمىس ىستەدى. كەيىن ناتو-نىڭ شىعىسا دامۋىنا اتسالىستى.

“ەكى ءداۋىر توعىسىندا” (1970) “ۇكىمەت جانە پرينتسيپ” (1983), “ويىن جوسپارى: كەڭەس-امەريكا باسەكەلەستىگىنىڭ گەوستراتەگيالىق شەڭبەرلەرى”، “ۇلى قۇلدىراۋ: XX عاسىر باسىندا كوممۋنيزمنىڭ پايدا بولۋى مەن اقىرى”، "ۇلى شاحمات تاقتاسى" (1998) اتتى ەڭبەكتەردىڭ اۆتورى.

“The Qazaq Times”