Foto: oko-planet.su
Bwrınğı AQŞ Prezidenti Djimmi Karterdiñ qauisizdik jönindegi keñesşisi bolğan  Zbignev Bjezinskiy 90 jasqa qarağan şağında dünieden ötti. Bwl turalı lenta.ru habarlaydı. 

Zbignev Bjezinskiy 1928 jılı pol'şalıq diplomattardıñ otbasında düniege kelgen. 1950 jılı AQŞ azamattığın alğan ol osı memlekette öziniñ kar'erasın ösirdi.

Bjezinskiy sociologiya, sayasattanu filosofiya salasında zertteu jwmıstarımen aynalısqan. Ol köbine KSRO men socialistik elderdi zertteuge den qoyğan. KSRO qwramında bolğan halıqtardıñ wlt-azattıq küresine qoldau körsetti. 1990 jıldardan bastap  KSRO auqımındağı, onıñ işinde Ortalıq Aziyadağı geosayasi jağday men jañadan payda bolğan täuelsiz memleketterdiñ bolaşağı turalı mäselelermen şwğıldandı.

Sonday-aq, ol keñestik rejimge qarsı küresken Auğan modjahedterine AQŞ äkimşiligi tolıq qoldau körsetu üşin jwmıs istedi. Keyin NATO-nıñ şığıs'a damuına atsalıstı.

“Eki däuir toğısında” (1970) “Ükimet jäne princip” (1983), “Oyın josparı: keñes-amerika bäsekelestiginiñ geostrategiyalıq şeñberleri”, “Wlı qwldırau: XX ğasır basında kommunizmniñ payda boluı men aqırı”, "Wlı şahmat taqtası" (1998) attı eñbekterdiñ avtorı.

“The Qazaq Times”