Фото: oko-planet.su
Бұрынғы АҚШ Президенті Джимми Картердің қауісіздік жөніндегі кеңесшісі болған  Збигнев Бжезинский 90 жасқа қараған шағында дүниеден өтті. Бұл туралы lenta.ru хабарлайды. 

Збигнев Бжезинский 1928 жылы польшалық дипломаттардың отбасында дүниеге келген. 1950 жылы АҚШ азаматтығын алған ол осы мемлекетте өзінің карьерасын өсірді.

Бжезинский социология, саясаттану философия саласында зерттеу жұмыстарымен айналысқан. Ол көбіне КСРО мен социалистік елдерді зерттеуге ден қойған. КСРО құрамында болған халықтардың ұлт-азаттық күресіне қолдау көрсетті. 1990 жылдардан бастап  КСРО ауқымындағы, оның ішінде Орталық Азиядағы геосаяси жағдай мен жаңадан пайда болған тәуелсіз мемлекеттердің болашағы туралы мәселелермен шұғылданды.

Сондай-ақ, ол кеңестік режимге қарсы күрескен Ауған моджахедтеріне АҚШ әкімшілігі толық қолдау көрсету үшін жұмыс істеді. Кейін НАТО-ның шығысьа дамуына атсалысты.

“Екі дәуір тоғысында” (1970) “Үкімет және принцип” (1983), “Ойын жоспары: кеңес-америка бәсекелестігінің геостратегиялық шеңберлері”, “Ұлы құлдырау: XX ғасыр басында коммунизмнің пайда болуы мен ақыры”, "Ұлы шахмат тақтасы" (1998) атты еңбектердің авторы.

“The Qazaq Times”