مەملەكەت شەنەۋنىكتەردىڭ جالاقىسىنا تريلليونداعان تەڭگە تولەيدى

Energyprom ساراپشىلارىنىڭ مالىمەتىنشە، 2017 جىلى 1,32 ترلن تەڭگەنىڭ 1,2 تريلليونى ەڭبەكاقىعا، 112 ترلن تەڭگەسى وتەماقى تولەمدەرىنە، 7 ملرد قوسىمشا اقشالاي تولەمدەرگە، 242 ملن مىندەتتى زەينەتاقى جارناسى ءۇشىن جۇمسالماق.

جالپى مەملەكەتتىڭ جالاقى قورىنداعى مەملەكەتتىك سەكتوردىڭ ۇلەسى 22%-دى قۇرايدى. قازىرگى كەزدە ەلدەگى مەملەكەتتىك قىزمەتكەرلەردىڭ ۇلەسى - 98,9 مىڭ ادام. ولاردىڭ 53 مىڭى ورتالىق ورگانداردا جۇمىس ىستەسە، 46 مىڭى جەرگىلىكتى اتقارۋشى ورگانداردا قىزمەت ەتەدى.

ەندى 2018 جىلدان باستاپ مەملەكەتتىك قىزمەتكەرلەردىڭ ەڭبەكاقىسىن تولەۋدىڭ بالدىق شكالاسى ەنگىزىلەدى. بۇل جۇيە جۇمىسشىلاردىڭ جاۋاپكەرشىلىگى مەن قىزمەتتى ورىنداۋداعى قيىندىقتارىن ەسەپكە الاتىن بولادى.

ايتا كەتەتىن جايت، ءساۋىر ايىندا جەرگىلىكتى باق ەلىمىزدەگى دەپۋتاتتاردىڭ جالاقىسى 30-50%-عا نەمەسە 700 مىڭ تەڭگەگە دەيىن كوتەرىلگەنى تۋرالى اقپارات تاراتتى. جالپى دەپۋتاتتاردىڭ الاتىن ورتاشا جالاقىسى - 500 مىڭ تەڭگە. ال 2017 جىلدىڭ 1 قاڭتارىنداعى جاعداي بويىنشا قازاقستانداعى تومەنگى جالاقى مولشەرى - 24 459 تەڭگە.

“The Qazaq Times”