ميسسيسيپي ۋنيۆەرسيتەتىنىڭ كامپۋسىنا كىرەتىن مەديتسينالىق ورتالىقتىڭ اۋماعىندا جەتى مىڭعا جۋىق ادامنىڭ قابىرى تابىلدى. جالپى قابىرلەر ورنالاسقان اۋدان 8 گەكتار ايماقتى الىپ جاتىر.

XIX – XX عاسىرلاردا بۇل جەردە پسيحياتريالىق اۋرۋحانا ورنالاسقان. قايتىس بولعان ەمدەلۋشىلەردى وسى جەرگە جەرلەپ وتىراتىن بولعان.

بيلىكتەگىلەردىڭ ەسەپتەۋىنشە قابىرلەردى اشىپ، قايتا جەرلەۋگە 21 ميلليون دوللار كەتەدى ەكەن، ءار قابىرگە – 3 مىڭ دوللارداي قاراجات جۇمسالادى. مەديتسينالىق ورتالىقتىڭ باسشىلىعى بۇنىڭ بارىنشا ءتيىمدى جولدارىن ىزدەستىرۋدە.

ميسسيسيپي شتاتىنداعى العاشقى پسيحياتريالىق ەمحانالار 1855-1935 جىلدار ارالىعىندا جۇمىس جاساعان. ال بۇنداي ەمحانالار پايدا بولعانعا دەيىن ناۋقاستاردى تۇرمەلەردە، جەرتولەلەر مەن وقشاۋلانعان جەرلەردە شىنجىرمەن ماتاپ، قاماپ ۇستاعان.

1855-1877 جىلدار ارالىعىندا ەمحانادا 1376 ناۋقاس تىركەلگەن، ولاردىڭ كەم دەگەندە ءاربىر بەسىنشىسى ەمحانادا جان تاپتسىرعان. ال اقش-تاعى ازاماتتىق سوعىستان كەيىن ناۋقاستاردىڭ سانى ارتىپ، 6 مىڭعا جەتكەن بولاتىن.

العاشقى قابىرلەر كامپۋستىڭ جانىنا جول سالۋ بارىسىندا 2013 جىلى تابىلعان. 2014 جىلى مايىتتەردىڭ سانى مىڭعا جەتكەن.

“The Qazaq Times”