ەلىمىزدىڭ باس دارىگەرلەرىنىڭ بارلىعى دەرلىك اعىلشىن ءتىلىن بىلۋگە مىندەتتەلەدى. بۇل تۋرالى شقو ءماسليحات سەسسياسىندا دانيال احمەتوۆ مالىمدەدى.

شىعىس قازاقستان وبلىسىندا سوڭعى ەكى جىلدا 73 جەرگىلىكتى مەدقىزمەتكەر ۇلىبريتانيا مەن پولشادان وقىپ كەلگەن. الداعى جىلى شەتەلگە وقۋعا 80 مامان جىبەرىلمەك، ولاردىڭ بارلىعى اۋداندىق اۋرۋحانالاردىڭ باس دارىگەرلەرى مەن كۇردەلى زاماناۋي قۇرال-جابدىقتارمەن جۇمىس ىستەيتىن مەديتسينا قىزمەتكەرلەرى.

شەتەلدەن ءبىلىم الماعان ماماندار اۋرۋحانانى باسقارمايدى. 50 جاسقا دەيىنگى ماماندار تولىق اعىلشىن ءتىلىن وقىپ، شەتەلگە وقۋعا بارادى. 8 جىل وسىلاي جالعاساتىن بولسا، تاماشا ناتيجەلەرگە قول جەتكىزەمىز، - دەدى احمەتوۆ.

«قىمبات جابدىقتاردى ساتىپ الدىق، ال ونداعى ورىندالۋى ءتيىس 20 امالدىڭ قاراپايىم ءۇش ءتۇرىن عانا اتقارىپ، ءماز بولىپ ءجۇرمىز. بۇلاي بولماۋ كەرەك! ەگەر ءبىزدىڭ دارىگەرلەر ەۋروپالىق دارىگەردىڭ ورتاشا دەڭگەيىن ورىنداي الماسا – ول قىزمەتىنەن كەتۋگە ءتيىس", - دەگە تالاپ قويدى ايماق باسشىسى.

“The Qazaq Times”