ەلىمىزدىڭ دەنساۋلىق ساقتاۋ ءمينيسترى ەلجان ءبىرتانوۆ قاسكەلەڭدەگى ينفەكتسيالىق اۋرۋحانانى جاۋىپ تاستاۋدى تاپسىردى. ۆەدومستۆو باسشىسى ناۋقاستاردىڭ بارلىعى قالالىق اۋرۋحاناعا كوشىرىلىپ، قاجەتتى جاراقتارمەن جابدىقتالعان پالاتالارعا اۋىستىرىلادى دەدى.

كەشە قاسكەلەڭدەگى ينفەكتسيالىق اۋرۋحانانىڭ قۇلاعالى تۇرعانىن حابارلاعان ەدىك. وبلىس تۇرعىندارىنىڭ ءبىرى ەمدەۋ مەكەمەسىنىڭ سۇرىقسىز كۇيىن سۋرەتكە ءتۇسىرىپ، الەۋمەتتىك جەلىگە سالعان. وسىدان كەيىن، دەنساۋلىق ساقتاۋ مينيسترلىگى اۋرۋحانانى جابۋ تۋرالى شەشىم قابىلدادى. سونداي-اق، ناۋقاستارعا قاجەتتى كومەك كورسەتپەگەنى ءۇشىن اتالعان ورتالىقتىڭ باس دارىگەرىنە قاتىستى اكىمشىلىك شارا قولدانىلماق.

“The Qazaq Times”