فوتو: Kursiv.kz

قازاقستان رەسەي ەلىنەن جانارماي تاسىمالداۋدى ۋاقىتشا توقتاتپاق. بۇل تۋرالى ەنەرگەتيكا ءمينيسترى قانات بوزىمباەۆ مالىمدەدى. ۆەدومستۆو باسشىسى تاراپتار اراسىندا قازىر كەلىسسوز جۇرگىزىلىپ جاتقانىن ايتادى. بارلىعى ءساتتى وتسە، وندا وسى اپتانىڭ سوڭىندا ەلىمىزگە رەسەيلىك جانارماي كىرگىزىلمەيتىن بولادى.

ءبىزدىڭ ەلدىڭ مۇنداي شەشىم قابىلداۋىنا – وتاندىق بەنزين مولشەرىنىڭ كوپتىگى سەبەپ بولعان. قازاقستان باسشىلىعى الدىمەن وتاندىق جانارمايمەن ىشكى نارىقتى تولىق قامتۋدى كوزدەپ وتىر. ارتىلار بولسا، سىرتقا تاسىمالداۋ دا جوسپاردا بار. وسى تۇستا، قانات بوزىمباەۆ رەسەيدەن جانارماي تاسىمالداۋ ۋاقىتشا توقتاتىلسا دا، ەلىمىزدە بەنزين تاپشىلىعى بولمايدى دەپ سەندىرىپ وتىر.

ازىرگە تاراپتار اراسىنداعى بۇل كەلىسىمنىڭ بەنزين قۇنىنا قانشالىقتى اسەر ەتەنىنى بەلگىسىز. ەگەر وتاندىق جانارماي كولەمى ازايار بولسا، وندا باعانىڭ كۇرت كوتەرىلەتىنى ءسوزسىز.      

“The Qazaq Times”