تۇركىمەنستاندا جانارماي قۇيۋ بەكەتتەرىندە تاعى دا بەنزين تاپشىلىعى بايقالۋدا.

جەرگىلىكتى باق وكىلدەرىنىڭ حابارلاۋىنشا، لەباپ جانە داشوگۋز وبلىستارىندا جانارماي ساتىلماي جاتىر. سوڭعى ەكى اپتادان بەرى داشوگۋز ەلدى-مەكەنىندە بەنزين جوق. ءدال وسىنداي جاعداي لەباپ وبلىسىندا دا كەزدەسەدى. اي-95 ماركالى بەنزين مۇلدەم ساتىلمايدى. تەك اي-80 ماركالى جانارماي شەكتەۋلى كۇيىندە ساتىلۋدا.جانارماي بەكەتتەرىنىڭ باسىم كوپشىلىگى بوس تۇر. بەنزين بار بەكەتتەردىڭ ءوزى جانارمايدى تەك 10 ليتردەن عانا ساتۋدا.

وسىعان دەيىن باق وكىلدەرى 2019 جىلدىڭ باسىنان باستاپ تۇركىمەنستاندا جانارماي باعاسى قىمباتتايدى دەپ حابارلاعان.

ءبىر قىزىعى، تاپشىلىق بولىپ جاتقان تۇستا، تۇركىمەنستان بيلىگى «مۇناي ونىمدەرىن شىعارۋ جانە ەكسپورتتاۋ جوسپاردان اسىرا ورىندالدى» دەپ ەسەپ بەرىپ جاتىر.

"The Qazaq Times"