Foto: Azattıq radiosı

Düysenbi, 23 qañtarda bir top belsendi Almatı qalasınıñ prokuraturasına jinalıp, bas prokuror Berik Asılovtıñ qızmetinen ketuin talap etti, -dep jazdı Azattıq radiosı.

"Eldegi zañdılıqtıñ saqtaluın qadağalaytın organnıñ basşısı Berik Asılov mwğalim Qalas Nwrpeyisov pen jurnalist Äygerim Tileujandı "dini ekstremistik wyımdardıñ müşeleri" degenin bärimiz estidik. Sotı bolmay, ükim şıqpay twrıp ekeui jaylı mäjilis qabırğasında, deputattardıñ aldında aytqanı arqamızğa ayazday battı. Bwl – prokurordıñ öziniñ zañdı öreskel bwzğanı, sol üşin onıñ qızmetinen ketuin talap etemiz" dedi prokuratura aldına barğan jurnalist Duman Mwhammedkärim.

Jinalğandar osıdan üş kün bwrın, 20 qañtarda "Bas prokuror Berik Asılov qızmetinen ketsin" degen onlayn peticiya jariyalağan. Qazir oğan 130-tan asa adam qol qoyğan, qalalıq prokuratura aldına jinalğandar sol jerden de qol jinadı.

"Osı jerge jinalğan 30-dan astam adam qol qoydı. Onlayn peticiya säl qiındau, elektron poşta arqılı, Facebook arqılı tirkelu kerek. Sonday şarttarına baylanıstı onlayn qol qoyuşılar sanı äzirie asa köp emes. Biraq barlıq azamattıq qoğam bwl peticiyanı qoldap jatır" dedi jinalğandardıñ biri, belsendi Araylım Nazarova.

Jinalğandar şamamen bir sağattan soñ taradı. Peticiyanı prezident äkimşiligine poşta arqılı jäne elektrondı ötiniş türinde jiberetinin ayttı. Olarmen söylesuge prokuraturadan eşkim şıqqan joq.

Jurnalist Äygerim Tileujan 2022 jılğı qaraşada Qañtar oqiğası baylanıstı küdikti retinde sot şeşimimen üyqamaqqa alınğan. Birneşe ay boyı onı "Almatı äuejayın basıp almaq bolğandar isi boyınşa" qılmıstıq iske kuäger retinde tartıp, keyin küdikti sanatına auıstırğan.

"Äuejaydı basıp almaq boldı" degen küdikke ilikkenderdiñ tağı biri – tarih päniniñ mwğalimi Qalas Nwrpeyisov. Äygerim Tileujan da, Nwrpeyisov te sol küni äuejayğa barğanın moyındaydı, biraq tergeu taqqan ayıptardı joqqa şığaradı.

Qazaqstan Konstituciyasınıñ 77-babında "adamnıñ kinäli ekendigi zañdı küşine engen sot ükimimen tanılğanşa, ol jasalğan qılmısqa kinäli emes dep esepteledi" dep körsetilgen.