Europanıñ Ortalıq bank kelesi ayda jäne qırküyekte payızdıq mölşerlemeni joğarlatpaq. Bwl äreketti pandemiyadan keyin ekonomikanı qoldaudan, inflyaciyanı qısqartu sayasatına ötken älemniñ özge iri bankterine teñesu maqsatında  jasap otır. Osılayşa EOB soñğı 11 jılda alğaş ret payızdıq mölşerlemeni joğarlatqalı otır.

EOB-nıñ 25 müşesi Amsterdamda bas qosıp osı mäseleni qızu talqıladı. Olar EO ekonomikasın alğa süyreuşi 19 elde inflyaciyanıñ barğan sayın ösip bara jatqanına nazar audarğan. EOB inflyaciyanıñ boljaldı körsetkişi 2 payız boladı dep boljağan edi, twtınu bağasınıñ indeksi mamırda 8,1% bolıp, jaña eñ joğarı deñgeyge jetti.

Wzaq jıldıq tömen ösimdik mölşerlemenı saqtap kelgen EOB küni keşe betbwrıstı qadam jasadı. Qazirgi kezde Europanıñ ekonomikalıq ösimi boljaldı körsetkişi tömendeydi degen qauip te bar. Sebebi, pandemiyadan keyin endi ğana tınıs ala bastağan europalıq ekonomikağa Reseydiñ Ukrainağa şabuıl jasauı özindik keri äserin tigizude. Äsirese, energiya tarmağı Reseyge baylanğan Europa üşin soğıstıñ zardabı basqaşa.

«Soğıs saudanı bwzıp, materialdar tapşılığın, energiya men şikizat bağasınıñ şarıqtauın tudıruda», – degen EOB prezidenti Kristin Lagard jurnalisterge.

EOB payızdıq mölşerlemelerdi köteruden bwrın ekonomikanı kötergen obligaciyalardı satıp aludı ayaqtap aludı josparlauda. Odan keyin inflyaciya deñgeyin baqılay otırıp, qırküyek ayında ekinşi ret joğarlatu mümkin. Payızdıq mölşerleme 25 payızğa deyin joğarlatu közdelgen.

Esteriñizde bolsa, mamırdıñ bas şeninde AQŞ-tıñ Federaldı rezervtik jüyesi etalondıq payızdıq mölşerlemesin 50 bazistik tarmaqqa köterdi. Bwl soñğı şek emes ekeni tağı bar. Al, ağılşındar bıltır jıl soñınan beri stavkanı tört ret köterdi.

Ortalıq bankter nege mwnday şaralar qabıldaydı? Etalondıq mölşerlemeni köteru arqılı bankter qarjı instituttarına, kompaniyalarğa, twtınuşılarğa jäne ükimetterge qajetti aqşanı qarızğa alu üşin qanşa töleuge tura keletinine naqtı belgilme ornata aladı. Sondıqtan payızdıq mölşerlemenı joğarlatu  bir mezgil joğarı temperaturadağı ekonomikanı salqındatu rölin atqaradı.

Degenmen, joğarı payızdıq mölşerlemeler ekonomikalıq ösuge keri äser etui de mümkin. Sondıqtan ortalıq bankter joğarı inflyaciyanı tejeu ​​men ekonomikalıq belsendilikke nwqsan keltirmeu arasında näzik tepe-teñdikti saqtauı tiis.

The Qazaq Times